Aşgabat atçylyk sport toplumynyň durkuny täzelemek boýunça işler alnyp barylýar. Bu barada wise-premýer B.Annamämmedow 23-nji fewralda Hökümet mejlisiniň barşynda hasabat berdi. Bu barada “Watan” habarlar gepleşiginde aýdyldy.
Taslama laýyklykda, atçylyk sport toplumynyň çäginde goşmaça iki sany täze athanany, weterinar dermanhanany we at esbaplar dükanyny, açyk görnüşli awtoduralgany, suw howdanlaryny, tehniki binalary gurmak, şeýle hem dürli ölçegdäki monitorlary hem-de döwrebap enjamlary ornaşdyrmak göz öňünde tutulýar.
Bulardan başga-da, öňden bar bolan 9 sany athananyň, esasy girelgäniň, tomaşaçylar münberiniň, karantin binasynyň, sport meýdançasynyň, açyk manežiň durkuny döwrebap täzelemek we ýanaşyk ýerlerini abadanlaşdyrmak meýilleşdirilýär.
