Alymlar Marezin 1 atly bir maddanyň myşsa dokumasyna edýän täsirini öwrendiler we onuň täzelenmegine we güýçlenmegine kömek edýändigini anykladylar. Bu açyş myşsa şikeslerinden ýa-da atrofiýadan ejir çekýän adamlara kömek edip biler diýip, eLife žurnalynda çap edilen gözleglere salgylanýan Gazeta.Ru ýazdy.
Marezin 1 bedende çişmeleri kadalaşdyrmaga gatnaşýan lipid mediatordyr. Alymlar synag edilýän syçanlaryň emeli zeperlenen myşsasyna sanjym etdiler we çişme öýjükleriniň we fibrozyň sanyny azaldýandygyny gördüler (myşsa dokumalarynyň birleşip bilmeýän dokumalar bilen çalşylmagy).
Şeýle hem myşsanyň güýjüni ölçediler we köpelendigini gördüler.
Alymlar Marezin 1-iň myşsanyň agramynyň mese-mälim kemelmegi, ýaş bilen baglanyşykly atrofiýa ýa-da distrofiýa ýaly myşsa kesellerini täze usul bilen bejermek üçin esas bolup biljekdigine ynanýarlar. Şeýle hem, olar Marezin 1-iň genetika, daşky gurşaw ýa-da fiziki işjeňlik ýaly myşsalaryň ösüşine täsir edýän beýleki faktorlar bilen nähili täsirleşýändigini öwrenmegi meýilleşdirýärler.
