Microsoft korporasiýasy Windows-dan meşhur “Poçta” we “Senenama” ofis programmalaryny aýrar. Bu barada TechRadar neşirine salgylanyp, lenta.ru habar berýär.
Media žurnalistleri Windows-a gurnalan “Poçta” we “Senenama” programmalarynyň soňky ýyl işleýändigini ýatladýarlar. 2025-nji ýylyň 1-nji ýanwaryndan korporasiýa bu programmalary goldamagy bes eder, olary Windows-dan we Microsoft-yň resmi dükanyndan aýrar.
Microsoft üýtgeşmeler barada ulanyjylara habar berip başlady. Programmalar açylanda ýylyň ahyryna çenli programmanyň elýeterli däl boljakdygy baradaky habar bilen banner peýda bolýar. Kompaniýada hyzmatlar Outlook bilen çalşylar – Windows ulanyjylaryna öz maglumatlaryny bu programma geçirmek teklip edildi.
Žurnalistleriň aýtmagyna görä, 2025-nji ýylyň 1-nji ýanwaryndan soň “Poçtany” we “Senenamany” ulanmagy dowam etdirmek bolar. Ýöne Microsoft programmalary täzelenmeler we howpsuzlyk programmalary bilen goldamaz, şeýle-de korporasiýanyň olary Windows-dan düýpgöter aýyrmajakdygyna-da kepillik ýok.
