“Germaniýa bilen işewür hyzmatdaşlygy” atly maksatnamanyň çäklerinde Türkmenistanyň Maliýe we ykdysadyýet ministrligi Germaniýanyň Ykdysadyýet we howany goramak federal ministrligi bilen bilelikde GFR-de iki hepdelik iş tejribeligini geçmek üçin dalaşgärleri seçip almak boýunça söhbetdeşlik geçirýär. Bu barada “Türkmenistan” gazeti habar berýär.
Gyzyklanma bildirýän döwlete dahylsyz taraplar 26-njy marta çenli ýüz tutup bilerler. Maksatnamanyň çäklerinde “ýaşyl” ykdysadyýet, “akylly” oba hojalygy we azyk senagaty, saglygy goraýyşda ykdysady hyzmatdaşlyk, umumy ykdysady hyzmatdaşlyk ýaly ugurlardaky ikitaraplaýyn hyzmatdaşlygyň ileri tutulýan ugurlarynda türkmen we german taslamalaryna garalar. Maksatnamanyň çäklerinde şeýle-de okuw kurslary geçiriler.
Dalaşgärler iňlis we rus dillerini bilýän ýokary bilimli, dolandyryş ulgamynda ýa-da telekeçilik ugrunda azyndan 2 ýyllyk iş tejribesi bolmalydyr.
Goşmaça maglumaty şu telefon belgisi arkaly öwrenip bilersiňiz:
(+99312) 39-43-55, 39-45-72.
