Ýaponiýanyň paýtagt prefekturasynyň häkimiýeti fewral aýynda dünýäde iň uly yşyk şüweleňini geçirip başlamagy meýilleşdirýär. Ol syýahatçylar üçin meşhur ýer bolan Tokionyň administrasiýasynyň binasyna proýektirlener. Bu barada Ýapon paýtagtynyň gubernatory Ýuriko Koike aýtdy diýip, TASS belleýär.
“Biz muny syýahatçylaryň – hem ýerli ýaşaýjylaryň, hem daşary ýurtly myhmanlaryň, iň bolmanda, bir gezek görmek isleýän täze syýahatçylyk mekanyna öwürmek isleýäris” – diýip, Kyodo agentligi onuň sözlerini getirýär.
Tokionyň administrasiýasynyň eýýäm Ginnesiň rekordlar kitabyna ýüz tutandygy bellenilýär. Şeýle-de, 25-nji fewralda işe giriziljek tomaşa etmek üçin mugt şüweleň her agşam geçiriler we Tokionyň administrasiýasynyň tutuş binalar toplumyny gurşap alar.
Ginnesiň rekordlar kitabynyň hünärmenleri Tokio häkimiýetiniň dünýäde iň uly yşyk şüweleňi üçin ýüzlenmesine ýörite dabaranyň açylyş gününde baha berip bilerler diýlip garaşylýar.
