KoBold Metals magdançylyk startap kompaniýasy Zambiýada ägirt uly mis ýatagynyň tapylandygyny habar berdi. Materialy gözläp tapmakda kompaniýa emeli aňy ulandy diýip, Bloomberg-e salgylanýan “Ekonomiçeskaýa prawda” habar berýär.
KoBold-yň paýdarlary - Bill Geýts we Jeff Bezos tarapyndan goldanýan Breakthrough Energy Ventures, şeýle hem T. Rowe Price Group Inc., Bond Capital, Andreesen Horowitz we Equinor ASA.
Startap Zambiýadaky ýerinde bir ýyldan gowrak wagt bäri buraw işlerini alyp barýar.
Zambiýadaky buraw taslamasyna Mingomba diýilýär. Onuň 400 müň tonnadan gowrak mis gory bar.
Goldmanyň çaklamalaryna görä, desganyň bahasy 2 milliard dollar bolup biler.
KoBold, buraw maglumatlaryny gaýtadan işlemekde we Mingomba şäherinde misiň we kobaltyň gözleglerini optimallaşdyrmakda AI tehnologiýasyny ulanýar.
Kompaniýa kobalt, nikel we litiý ýaly materiallaryň uzak möhletdäki çak edilýän ýetmezçiliginden ugur alýar, şonuň üçin häzirki wagtda tutuş dünýäde batareýa metallaryny gazyp almak boýunça käbir taslamalarda başagaýlyk döredýän arzan bahalar ony alada goýmaýar. Bu metallar senagatda, elektrik ulaglarynda we lukmançylyk enjamlarynda giňden ulanylýar.
Mingomba Afrikanyň ikinji uly mis öndürijisi bolan Zambiýanyň hökümetine köpýyllyk pese gaçyşlygy ýeňmäge we on ýyllygyň dowamynda önümçiligi üç esse artdyrmaga kömek edip biler.
