Türkmenistanly Oleg Kononenko kosmosda geçiren umumy wagty boýunça täze rekord goýdy

  • 05.02.2024 08:06
  • 17k+

Türkmenistanyň Gahrymany, «Roskosmosyň» kosmonawtlar toparynyň serkerdesi Oleg Kononenko kosmosda bolmagyň umumy dowamlylygy boýunça täze rekord goýdy diýip, «Roskosmosyň» Telegram kanalynda habar berilýär.

Kononenko 4-nji fewralda, Aşgabat wagty bilen 13 sagat 30 minut 8 sekuntda (Moskwa wagty bilen 11 sagat 30 minut 8 sekunt) kosmosda iň köp wagt geçiren adam boldy.

«Ol kosmosa bäş gezek uçuşda jemi 878 gün 11 sagat 29 minut 48 sekunt geçiren russiýaly Gennadiý Padalkanyň gazanan üstünliginden öňe geçdi» diýlip, habarda bellenilýär.

Häzirki wagtda Kononenko Halkara kosmos stansiýasyna bäşinji uçuşyny amala aşyrýar (ol ilkinji gezek bu ýere 2008-nji ýylda gidipdi). Russiýanyň kosmonawtlar toparynyň beýleki agzalary üç gezekden köp uçmadylar.
Kononenko 2023-nji ýylyň 15-nji sentýabrynda russiýaly Nikolaý Çub we amerikaly Loral O'Hara bilen bilelikde «Soýuz MS-24» kosmos gämisinde HKS-e uçdy. Amerikaly astronawt zenan Oleg Nowiskiý we belarus kosmonawty Marina Wasilewskaýa bilen bilelikde şu ýylyň ýazynda Ýere gaýdyp geler.


27.08.2025 16:03
5.7k+

Belgiýaly adam Lego heýkeljikleriniň dünýäde iň uly kolleksiýasyny ýygnady

Belgiýaly Stiwen wan Daýk Lego heýkeljikleriniň dünýäde iň uly kolleksiýasyny ýygnady. Ginnesiň rekordlar kitabynyň hünärmenleri onda 11 803 predmeti hasaba aldy. Bu öňki rekord eýesiniňkiden iki müň heýkel köpdür...

26.08.2025 21:51
10k+

Meksikaly aşpezler tako taýýarlap, birbada üç rekord goýdy

Sýerra-Madre daglarynyň etegindäki Guadalupe şäherçesinde geçirilen La Discada festiwalynda meksikaly aşpezler Ginnesiň birbada üç rekordyny goýdy. Olar bir sagatda hödür edilen iň köp tako, iň uly gowrulan tagam we iň uly saç üçin hasaba alyndy...

25.08.2025 15:49
2.6k+

Aşgabatda okuwçylaryň arasynda “Ozon we klimat” ylmy-döredijilik bäsleşigi yglan edildi

Türkmenistanda ozon gatlagyny goramagyň Halkara güni mynasybetli mekdep okuwçylarynyň arasynda “Ozon we klimat” atly ylmy-döredijilik bäsleşigi yglan edildi. Bäsleşigi “Ýaş tebigatçy” jemgyýetçilik guramasy BMG-niň Senagat Ösüşi boýunça guramasy (UNIDO) we BMG-niň Ösüş Maksatnamasy (BMGÖM) bilen bilelikde guraýar...

25.08.2025 07:29
11k+

Türkmenistanda hepdelik howa maglumaty (25.08 - 31.08)

Türkmenistanyň Daşky gurşawy goramak ministrliginiň Gidrometeorologiýa gullugy ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az bulutly howa bolup, demirgazyk-günbatardan tizligi sekuntda 10 — 12 metrden 13 — 15 metre ýetýän şemal öwser...