31-nji ýanwarda Türkmenistanyň Katardaky ilçisi M.Seýitmämmedow bu ýurduň Söwda–senagat edarasynyň başlygynyň birinji orunbasary Mohammed bin Ahmed Tawar Al Kuwary bilen duşuşdy.
Türkmenistanyň DIM-niň habar bermegine görä, duşuşygyň dowamynda iki döwletiň söwda-ykdysady gatnaşyklarynyň ösüşi ara alnyp maslahatlaşyldy. Şunuň bilen baglylykda, Türkmen-Katar Işewürler forumynyň nobatdaky mejlisini geçirmek bilen bagly meseläniň üstünde durlup geçildi.
Şeýle hem Türkmenistanyň ilçisi M.Seýitmämmedow 30-nji ýanwardada Katar Döwletiniň Bilim, terbiýe we ýokary bilim ministri Buthaina bint Ali Al Jabr Al Nuaimi bilen duşuşdy.
Duşuşygyň dowamynda iki dostlukly ýurtlaryň arasyndaky bilim pudagyndaky gatnaşyklar hem-de olary ösdürmegiň we berkitmegiň ýollary ara alnyp maslahatlaşyldy.
