Türkmenistan Kataryň Milli habarlar gulluklary bilen gatnaşyklary ýola goýmagyň meselelerini maslahatlaşdy

  • 01.02.2024 15:10
  • 3.2k+

30-njy ýanwarda Katar Döwletiniň metbugat hem-de habar beriş serişdeleriniň wekilleriniň gatnaşmagynda Doha şäheriniň “Dar Al-Sharq” metbugat merkezinde Türkmenistanyň Prezidenti Serdar Berdimuhamedowyň “Ýaşlar-Watanyň daýanjy” atly kitabynyň tanyşdyrylyş çäresi geçirildi. Bu barada Türkmenistanyň DIM-niň Metbugat gullugy habar berýär.

Duşuşygyň çäklerinde Türkmenistanyň Katar Döwletindäk ilçisi M.Seýitmämmedow katar tarapyna ýurdumyzda häzirki wagtda amala aşyrylýan özgertmeler barada habar berdi. Şunuň bilen birlikde, döwletiň maglumat syýasatyna aýratyn üns çekildi. Çärede “Ýaşlar — Watanyň daýanjy” atly eseriň ýurdumyzyň jemgyýetçilik-syýasy, durmuş-ykdysady we medeni durmuşyna, ýurdumyzyň halkara giňişlikdäki abraýyny has-da belende galdyrmak boýunça amala aşyrylýan işlere işjeň gatnaşýan ýaşlar üçin ruhy goldaw boljakdygy bellenip geçildi.
Şeýle hem duşuşygyň dowamynda Türki medeniýetiniň halkara guramasynyň (TÜRKSOÝ) çäklerinde şu ýylyň «Türki dünýäniň beýik şahyry we akyldary Magtymguly Pyragy ýyly» diýlip yglan edilendigi barada nygtaldy we gadymy türkmen şäheri Änewiň Türki dünýäsiniň medeni paýtagty diýlip yglan edilendigi bellendi.
Duşuşygyň dowamynda döwletiň maglumat syýasaty boýunça meselelerine aýratyn üns berildi.
Bu ugurda türkmen tarapy Katar Döwletiniň Milli habarlar gulluklary bilen, hususan-da, “Dar Al-Sharq” metbugat merkezi bilen gatnaşyklaryň ýola goýulmagynyň wajyp bolup durýandygyny nygtamak bilen, iki ýurduň ýeten üstünlikleri we olarda bolup geçýän möhüm wakalar baradaky täzelikleri hem-de habarlary alyşmaklygy hyzmatdaşlygyň esasy ugry hökmünde kesgitledi.


düýn 12:16
1.1k+

Serdar Berdimuhamedow Çehiýany Garaşsyzlyk güni bilen gutlady

Prezident Serdar Berdimuhamedow Çehiýa Respublikasynyň Prezidenti Petr Pawele we ýurduň ähli halkyna Çehiýa Respublikasynyň Garaşsyzlyk güni mynasybetli mähirli gutlaglaryny hem-de iň gowy arzuwlaryny iberdi. Döwlet...

düýn 11:57
3.4k+

Moskwada howpsuzlyk meseleleri boýunça türkmen-rus geňeşmeleri geçirildi

27-nji oktýabrda Moskwa şäherinde Türkmenistanyň we Russiýa Federasiýasynyň Daşary işler ministrlikleriniň arasynda häzirki zaman wehimlerine we howplaryna garşy göreşmek meseleleri boýunça geňeşmeler geçirildi...

düýn 11:52
2.3k+

Türkmenistanyň ilçisi Rumyniýanyň Daşary işler ministrliginiň Baş direktory bilen duşuşdy

24-nji oktýabrda Türkmenistanyň ilçisi Annamämmet Annaýew Rumyniýanyň Daşary işler ministrliginiň Baş direktory Dan Ýanku bilen duşuşyk geçirdi. Bu barada Türkmenistanyň DIM-nde habar berdiler. Rumyniýanyň Daşary işler ministrliginiň binasynda geçirilien duşuşykda ikitaraplaýyn hyzmatdaşlygyň giň toplumy boýunça pikir alşyldy...

düýn 11:28
9.6k+

Donald Tramp Serdar Berdimuhamedowy Ak tamda geçiriljek duşuşyga çagyrdy

Amerikanyň Birleşen Ştatlarynyň Prezidenti Donald Tramp Türkmenistanyň Prezidenti Serdar Berdimuhamedowy C5+1 sammitine gatnaşmak üçin çagyrdy. Çakylygyň teksti metbugatda çap edildi. "Men Sizi Merkezi Aziýa ýurtlarynyň...