Emeli aň üçin çip bazarynyň 70-90%-i Nvidia-nyň paýyna düşýär. Kompaniýanyň bazar bahasy bir ýylda üç esse ýokarlandy

  • 30.01.2024 14:02
  • 5.3k+
Emeli aň üçin çip bazarynyň 70-90%-i Nvidia-nyň paýyna düşýär. Kompaniýanyň bazar bahasy bir ýylda üç esse ýokarlandy

Nvidia amerikan tehnologiýa kompaniýasynyň bazar bahasy emeli aň üçin çiplere bolan islegiň düýpgöter artmagy netijesinde geçen ýyl üç esse ýokarlandy we häzir 1,5 trln dollara barabar. Muny Gartner we Moor Insights & Strategy kompaniýalarynyň analitikleriniň maglumatlary görkezýär diýip, ixbt.com habar berýär.

Häzir Nvidia emeli aň üçin ýarym geçirijileriň bazarynyň, takmynan, 70-90%-ini eýeleýär. Hünärmenler şeýle giň gerimiň sebäbini görkezmeýärler, ýöne bu islendik ýagdaýda-da häzirki wagtda Nvidia-nyň bu ugurda monopoliýaçydygyny aňladýar.
Diňe 2024-nji ýylyň ýanwar aýynyň başyndan bäri kompaniýanyň paýnamalarynyň bahasy 25% ýokarlandy.
AMD bilen Intel kompaniýalarynyň emeli aň üçin çip bazaryndaky paýlary barada heniz maglumat ýok.

AMD-nyň paýnamalary OpenAI bilen köp milliardlyk şertnamadan soň 30% ýokarlandy
09.10.2025 16:02
1k+

AMD-nyň paýnamalary OpenAI bilen köp milliardlyk şertnamadan soň 30% ýokarlandy

AMD-nyň (Advanced Micro Devices) paýnamalary OpenAI bilen uly şertnama baglaşylandygy belli bolandan soň 30%-den gowrak gymmatlady. Sem Altmanyň startapy çip öndürijisiniň paýnamalarynyň 10%-ine çenli satyn almak hukugyna eýe boldy we bu oňa serwislerini ösdürmek üçin hasaplaýyş güýçleriniň ýetmezçilik etmek meselesini çözmäge kömek eder...

OpenAI-iň ýolbaşçysy täze şertnamalary baglaşmak üçin dünýä syýahatyna ugrady
07.10.2025 15:56
2.8k+

OpenAI-iň ýolbaşçysy täze şertnamalary baglaşmak üçin dünýä syýahatyna ugrady

OpenAI-iň baş direktory Sem Altman maýa goýumlary çekmek we kompaniýanyň taslamalaryny ösdürmek maksady bilen Günorta-Gündogar Aziýa we Ýakyn Gündogara syýahata ugrady. The Wall Street Journal-yň maglumatlaryna görä, Altman garaşsyz EA infrastrukturasyny döretmek boýunça hyzmatlary öňe sürüp, enjamlary we komponentleri öndürmek üçin täze hyzmatdaşlary gözleýär...

OpenAI 500 milliard dollar bahasy bilen dünýäniň iň gymmat hususy kompaniýa boldy
03.10.2025 17:59
3.2k+

OpenAI 500 milliard dollar bahasy bilen dünýäniň iň gymmat hususy kompaniýa boldy

ChatGPT-ni döreden OpenAI kompaniýasy dünýäde iň gymmat hususy kompaniýa öwrüldi diýip, Bloomberg habar berýär. Gürrüň döwletiň  ýa-da döwlet edaralarynyň gözegçiliginde bolmadyk we hususy maliýeleşdiriş arkaly maýa goýumlaryny ýygnan kompaniýalar barada barýar...

Oracle bilen OpenAI 300 mlrd dollarlyk “töwekgelçilikli” şertnama baglaşdy
12.09.2025 17:54
1.7k+

Oracle bilen OpenAI 300 mlrd dollarlyk “töwekgelçilikli” şertnama baglaşdy

Oracle amerikan korporasiýasy OpenAI kompaniýasy bilen 300 mlrd dollarlyk şertnama baglaşdy diýip, The Wall Street Journal ýazýar. Şertnama bäş ýyla niýetlenýär we ABŞ-nyň çäklerinde 4,5 GWt kuwwatly maglumat merkezleriniň kärendesini göz öňünde tutýar...