Türkmenistan we Ýaponiýa uglerodsyzlaşdyrmak ulgamynda hyzmatdaşlyk hakynda Ähtnama gol çekdiler

  • 23.01.2024 11:55
  • 4.1k+

Türkmenistan we Ýaponiýa uglerodsyzlaşdyrmak ulgamynda hyzmatdaşlyk etmek boýunça özara düşünişmek hakynda Ähtnamana gol çekdiler. Degişli resminama 22-nji ýanwarda Tokio şäherinde Türkmenistanyň daşary işler ministri Raşid Meredowyň we Ýaponiýanyň ykdysadyýet, söwda we senagat ministri Ken Saýtonyň arasynda geçirilen duşuşygyň çäklerinde gol çekildi. 

Taraplar Türkmenistanyň ýangyç-energetika toplumynyň kärhanalarynyň önümçilik işinde daşky gurşawa zyýanly zyňyndy gazlaryň möçberlerini azaltmaga ýardam etjek tehnologiýalar pudagynda hyzmatdaşlyk ederler. Bu barada Ýaponiýanyň “Nikkei” gazeti habar berýär. 
Bellenişi ýaly, “Itochu” we “Kawasaki Heavy Industries” kompaniýalary tebigy gazdan benzin öndürýän kärhananyň goşmaça önümçilik düzüminiň gurluşygyny ara alyp maslahatlaşmak üçin ýerli döwlet kärhanasy bilen bir ýere jemlendi. Bu şeýle-de uglewodorodlary gazyp almak bilen bagly bölünip çykýan metan gazlaryny azaltmak üçin tehnologiýalary ornaşdyrmaga-da ýardam eder. 
Ýaponiýanyň eksport-karz agentligi (NEXI) “Itochu” we “Kawasaki Heavy Industries” kompaniýalarynyň durmuşa geçiren tebigy gazdan ammiak we karbamid öndürýän himiýa zawodyna tehniki hyzmatlary etmek boýunça ähli çykdajylary öz üstüne alýar. 
Ken Saýto uglerod bitaraplygyny gazanmakda Merkezi Aziýanyň eýeleýän ornunyň barha artýandygyny aýtdy. Şeýle hem, täze bilelikdäki taslamalary durmuşa geçirmek arkaly bu ugurda has uly öňegidişligiň gazanyljakdygyny umyt bildirdi.
Hyzmatdaşlygyň anyk mazmunyny pugtalandyrmak maksady bilen Ýaponiýanyň Ykdysadyýet, söwda we senagat ministrligi Merkezi Aziýanyň ähli ýurtlary, şol sanda Türkmenistan bilen uglerody azaldýan tehnologiýalar pudagynda hyzmatdaşlygy işjeňleşdirmegi meýilleşdirýär.
Şeýle hem neşir Ýaponiýanyň Premýer-ministri Fumio Kisidanyň şu ýylyň ahyrynda Merkezi Aziýa iş saparyny amala aşyryp, altytaraplaýyn sammite gatnaşjakdygyny belleýär.


şu gün 12:10
4.7k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

şu gün 12:05
3k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...

şu gün 11:58
3.5k+

Türkmenistanyň we RF-niň Daşary işler ministrlikleri 2025-2026-njy ýyllar üçin hyzmatdaşlyk Maksatnamasyna gol çekdiler

25-nji iýunda Türkmenistanyň Daşary işler ministrliginde Russiýa Federasiýasynyň daşary işler ministri Sergeý Lawrowyň ýolbaşçylygyndaky wekiliýet bilen duşuşyk geçirildi. Gepleşikleriň gün tertibine döwletara gatnaşyklary mundan beýläk-de ösdürmegiň möhüm meseleleri girizildi...

şu gün 11:51
1.3k+

Türkmenistanyň DIM-nde Fransiýanyň senatory bilen duşuşyk geçirildi

25-nji iýunda Türkmenistanyň daşary işler ministriniň orunbasary M.Bäşimowa Fransiýanyň senatory, Fransiýa – Merkezi Aziýa parlament dostluk toparynyň agzasy Samanta Kazebon bilen duşuşdy. Türkmenistanyň DIM-niň...