SpaceX kompaniýasy Axiom Space-iň üçünji täjirçilik missiýasynyň çäginde Türkiýäniň ilkinji kosmonawty Alper Gezerawçini goşmak bilen, kosmos syýahatçylaryny alyp barýan Crew Dragon kosmiki gämisini Halkara kosmos stansiýasyna iberdi.
Falcon 9 raketasy Florida ştatynda ýerleşýän Kennedi adyndaky Kosmos merkezinden 18-nji ýanwarda Ýuwaş umman wagty bilen (19-njy ýanwar, aşgabat wagty bilen 02: 49-da) 16: 49-da uçuryldy.
Ax-3-iň ekipažynda ilkinji türk kosmonawtyndan başga-da, Ispaniýada doglan kosmonawt we ABŞ-nyň Harby deňiz flotunyň weterany Maýkl Lopes-Alegriýa, Italiýanyň Harby-howa güýçleriniň polkownigi we pilot Walter Willadeý hem-de Şwesiýanyň synagçy-piloty Markus Wandt bar.
Axiom-3 missiýasy ekipažyň HKS-da mikrograwitasiýada, takmynan, 14 gün bolup, biologiýa, fiziologiýa, tehnologiýa ylymlary we Ýer hakdaky ylymlar ýaly, 30-dan gowrak ylmy synaglary geçirmegini göz öňünde tutýar.
Ax-3 -iň uçurylmagy kosmos syýahatynyň täjirleşdirilmeginde möhüm tapgyrdyr. Bu HKS-a hususy kompaniýa tarapyndan doly maliýeleşdirilýän ilkinji missiýadyr.
Kompaniýanyň esasy maksady - ahyrynda HKS-yň ornuny tutjak hususy kosmos stansiýasyny gurmak. Axiom Space hususy kosmos stansiýalarynyň döwlet eýeçiligindäki kosmos stansiýalaryna garanyňda has elýeterli we netijeli boljakdygyna we astronawtlar üçin has gowy tejribe berjekdigine ynanýar.
