Howanyň üýtgemegi barada Türkmenistanyň garaýyşlary BMG-niň Baş Assambleýasynyň resminamasy hökmünde neşir edildi

  • 10.01.2024 15:56
  • 15k+

Türkmenistanyň Prezidentiniň 2023-nji ýylyň 1-2-nji dekabrynda Dubaý şäherinde Birleşen Milletler Guramasynyň Howanyň üýtgemegi baradaky Çarçuwaly konwensiýasyna (COP28) gatnaşyjylaryň maslahatynyň ýigrimi sekizinji mejlisinde eden çykyşyndaky howanyň üýtgemegi we daşky gurşawyň howpsuzlygy baradaky milli garaýyşlaryň beýany, Baş Assambleýanyň 78-nji mejlisiniň resmi resminamasy hökmünde BMG-niň alty resmi dilinde neşir edildi we ýaýradyldy. Bu barada Türkmenistanyň DIM-niň Metbugat gullugy habar berýär.

Resminamanyň doly teksti bilen şu salgydan tanşyp bilersiňiz.
Beýannama Baş Assambleýanyň häzirki mejlisiniň gün tertibiniň “Adamzadyň häzirki we geljekki nesilleriniň bähbidine global howany goramak” hem-de “Merkezi Aziýada parahatçylyk, ynam we hyzmatdaşlyk zolagy” bentleri boýunça neşir edildi.
Bu resminamada, hususan-da, Türkmenistanyň Global Metan borçnamasyna goşulmagy we Birleşen Milletler Guramasynyň Daşky gurşaw boýunça maksatnamasy (UNEP) bilen bilelikde BMG-niň Merkezi Aziýada Howanyň üýtgemegi tehnologiýalary Sebit merkeziniň Türkmenistanda açylmagy üçin kanuny esas döredilendigi barada habar berilýär.


düýn 18:38
2k+

Türkmenistanyň Gruziýadaky ilçisi Suhumi döwlet uniwersitetiniň rektory bilen duşuşdy

11-nji sentýabrda Türkmenistanyň Gruziýadaky ilçisi D.Seýitmämmedow Suhumi döwlet uniwersitetiniň rektory Tea Jugeli bilen duşuşyk geçirdi. Duşuşygyň barşynda ilçi rektory täze wezipä bellenmegi bilen gyzgyn gutlap, onuň ýolbaşçylygynda ýokary okuw mekdebiniň üstünlikli ösdüriljekdigine ynam bildirdi...

düýn 18:34
2.8k+

Daşkentde Arkadag şäherindäki iri lukmançylyk klasteriniň tanyşdyrylyşy geçirildi

10-njy sentýabrda Daşkent şäherinde Türkmenistanyň Özbegistandaky ilçisi Ş.Meredow bilen Özbegistanyň saglygy goraýyş ministri A.Hudaýarowyň arasynda türkmen wekiliýetiniň gatnaşmagynda duşuşyk geçirildi. Türkmenistanyň...

düýn 17:37
1.7k+

Çalık Holding TIF 2025 forumynyň baş hemaýatkäri bolar

Türkiýäniň iri kompaniýalar topary bolan Çalık Holding Türkmenistanyň maýa goýum forumy – 2025-iň baş hemaýatkäri bolar. Forumyň altyn hemaýatkäri hökmünde bolsa "Eziz Doganlar" hojalyk jemgyýeti çykyş eder. Forum 2025-nji ýylyň 18–19-njy sentýabrynda Hazaryň türkmen kenaryndaky «Awaza» sport toplumynyň konferensiýa merkezinde geçiriler...

düýn 17:27
1.4k+

Türkmenistanyň DIM-nde BMG-niň Neşe serişdeleri we jenaýatçylyk baradaky müdirliginiň wekili bilen duşuşyk geçirildi

10-njy sentýabrda Türkmenistanyň daşary işler ministriniň orunbasary M. Bäşimowa BMG-niň Neşe serişdeleri we jenaýatçylyk baradaky müdirliginiň Merkezi Aziýa, Owganystan, Eýran we Pakistan boýunça sebitleýin wekili Oliwer Ştolpen bilen duşuşdy...