Wengriýada we Hytaýda bilim almak isleýänleriň resminamalary kabul edilip başlandy

  • 04.01.2024 13:08
  • 7.6k+

3-nji ýanwarda Aşgabat şäherinde Magtymguly adyndaky Türkmen döwlet uniwersitetinde 2024-2025-nji okuw ýyly üçin bakalawr maksatnamasy boýunça Hytaýyň we Wengriýanyň ýokary okuw mekdeplerinde okamak üçin dalaşgärleriň resminamalary kabul edilip başlandy. Bu barada Türkmenistanyň Bilim ministrligi mälim etdi.

Dalaşgärlerden resminamalary 10-njy ýanwara çenli kabul edilýär.

Şeýlelikde, Hytaýda okamak üçin dalaşgärleriň şu resminamalary tabşyrmaklary zerurdyr:
— arza we Türkmenistanyň raýatlary üçin taýýarlanan nusgadaky anketa;
— Hytaý Halk Respublikasynyň ýokary okuw mekdeplerinde okamak üçin taýýarlanan nusga boýunça doldurylan anketa;
— ýurduň ygtyýarly edaralary tarapyndan berlen bilim şahadatnamasy (tassyklanan göçürme we terjime);
— dalaşgäriň Hytaý Halk Respublikasyndaky ýokary okuw mekdeplerinde degişli bilim derejesinde (ýazmaça) okamandygyny ýa-da talyp hakyny almandygyny görkezýän kepilnama;
— orta ýa-da orta ýöriteleşdirilen bilim baradaky asyl resminama (göçürme we kepillendirilen terjime);
— SAT (Scholastic Aptitude Test), TOEFL (Test of English as a Foreign Language), IELTS (International English Language Testing System) we HSK (Chinese Proficiency Test) akademiki derejeli kurslary üstünlikli gutarandygy barada asyl şahadatnama. SAT şahadatnamasy bolan dalaşgärler ýeňillikli giriş nyrhlaryndan peýdalanýarlar.
— Türkmenistanyň Saglygy goraýyş we derman senagaty ministrligi tarapyndan kesgitlenen görnüşdäki saglyk şahadatnamasy (daşary ýurtlarda ýerleşýän ýokary okuw mekdeplerine girmek üçin ýüz tutýan raýatlaryň saglyk şahadatnamasy);
— soňky okuw ýa-da iş ýerinden häsiýetnama (harby bölümi);
— 12 (on iki) sany 3х4 ölçegdäki surat. Döwlet orta we ýörite orta okuw mekdeplerinde tapawutlanan mekdep okuwçylary hem ýeňilliklerden peýdalanýarlar.

Wengriýada okamak üçin tabşyrmaly resminamalar:
— arza we Türkmenistanyň raýatlary üçin taýýarlanan nusgadaky anketa;
— Wengriýanyň ýokary okuw mekdeplerinde okamak üçin taýýarlanan nusga boýunça doldurylan anketa;
— dogluş hakyndaky şahadatnama (göçürme we tassyklanan terjime);
— ýaşaýan ýeri hakyndaky kepilnama (göçürme we tassyklanan terjime);
— ýurduň ygtyýarly edaralary tarapyndan berlen bilim baradaky resminama (göçürme we tassyklanan terjime);
— dalaşgäriň Wengriýanyň ýokary okuw mekdeplerinde degişli bilim derejesinden okamandygyny ýa-da talyp hakyny almandygyny görkezýän kepilnama (ýazmaça);
— orta ýa-da ýörite orta bilim baradaky asyl resminama (göçürme we tassyklanan terjime);
— SAT (Scholastic Aptitude Test), TOEFL (Test of English as a Foreign Language) hem-de IELTS (International English Language Testing System) akademiki derejeli kurslary üstünlikli tamamlandygy barada asyl şahadatnama. SAT şahadatnamasy bolan dalaşgärler ýeňillikli giriş nyrhlaryndan peýdalanýarlar.
— Türkmenistanyň Saglygy goraýyş we derman senagaty ministrligi tarapyndan kesgitlenen görnüşdäki saglyk şahadatnamasy (daşary ýurtlarda ýerleşýän ýokary okuw mekdeplerine girmek üçin ýüz tutýan raýatlaryň saglyk şahadatnamasy);
— soňky okuw ýa-da iş ýerinden häsiýetnama (harby bölümi);
— 12 (on iki) sany 3х4 ölçegdäki surat.

Bellenişi ýaly, mekdep okuwçylaryndan ders olimpiadalarynyň döwlet tapgyrynda ýeňiji bolanlar, Türkmenistanyň milli ýygyndy toparlarynyň agzalary, halkara olimpiadalarda we umumy bilim dersleri boýunça ýaryşlarda baýrakly orunlary eýelänler ýeňilliklerden peýdalanýarlar.
Mundan başga-da, ýokary okuw mekdeplerine girmek isleýänler ýokardaky maglumatlar bilen birlikde, aşakda görkezilen resminamalary hem kabul ediş toparyna tabşyrmalydyr:
— Türkmenistanyň raýatynyň pasporty, şeýle hem Türkmenistanyň çäginden çykmek hem-de girmek üçin ygtyýar berýän pasport;
— Türkmenistanyň Ýaragly Güýçlerinde harby gullugy geçendigine şaýatlyk edýän harby şahadatnamasy ýa-da harby gullugy tamamlamadyk ýigitler üçin ýerli Harby wekillik tarapyndan berlen hasaba alyş şahadatnamasy. Kabul ediş toparynyň dalaşgär barada goşmaça maglumat soramaga hukugy bardyr.


03.10.2025 11:01
6.3k+

Türkmen talyplary Germaniýada we Niderlandlarda «John Deere» zawodlarynda tejribelik geçdiler

13–20-nji sentýabr aralygynda Türkmen oba hojalyk instituty bilen Türkmen oba hojalyk uniwersitetiniň «Oba hojalygyny mehanizasiýasy» hünäriniň talyplary mugallymlary bilen bilelikde Germaniýada we Niderlandlarda ýokary derejeli önümçilik tejribesinden geçdiler...

03.10.2025 10:03
8.9k+

Türkmenistandan 8 okuwçy mental hasaplamak boýunça Germaniýadaky Dünýä çempionatyna ugrady

Türkmenistanly mekdep okuwçylary 4-6-njy oktýabr aralygynda Germaniýanyň Bielefeld şäherinde geçiriljek Ýetginjekleriň arasynda mental hasaplamak boýunça dünýä çempionatyna gatnaşar. Ýetginjekleri ýaryşa taýýarlaýan “Kämil bilim” okuw merkezinde habar bermeklerine görä, çempionatda ýurdumyza 8 sany zehinli okuwçy wekilçilik eder...

02.10.2025 11:14
1.8k+

Türkmenistanda filosofiýa we ykdysadyýet boýunça halkara olimpiadalar geçiriler

Türkmenistanyň ýokary okuw mekdepleriniň talyplarynyň arasynda Filosofiýa boýunça II Halkara olimpiadasy we Ykdysadyýet boýunça II Halkara olimpiadasy geçiriler. Olimpiadalary Halkara ynsanperwer ylymlary we ösüş uniwersiteti (HYYÖU) guraýar diýip, “Türkmenistan: Altyn asyr” elektron neşiri habar berýär...

25.09.2025 14:29
4.5k+

Türkmen talyplary akademik alyş-çalyş maksatnamasynyň çäklerinde Ýaponiýa bardylar

Türkmenistanyň Oguz han adyndaky Inžener-tehnologiýalar uniwersitetiniň üç talyby hyzmatdaşlyk maksatnamasynyň çäklerinde Ýaponiýa döwletine gitdiler. Bu barada Türkmenistanyň Bilim ministrliginiň saýtynda habar berilýär...