2023-nji ýyl AI (emeliň aň) ýyly diýip atlandyryp bolar. Çünki bu ugurda innowasiýanyň tizligi kimler üçin ýokary bolsa, kimler üçin howatyrly boldy. Emma soňky gözlegler howatyrlanmanyň adamlaryň AI-e kömek sorap ýüz tutmagyna böwet bolmaýandygyny tassyklaýar.
Onlaýn mazmun ýazýan Writerbuddy.ai kompaniýasy tarapyndan geçirilen pikir soraşmanyň netijesine görä, 2022-nji ýylyň sentýabr aýyndan 2023-nji ýylyň awgust aýyna çenli ChatGPT-e 14 milliarddan gowrak adam giripdir. Writerbuddy haýsysynyň has köp ulanylandygyny kesgitlemek üçin 3000-den gowrak AI guralyny derňedi. Jemi 24 milliard sapar iň gowy 50 AI guralyna girildi. Belläp geçsek, ulanyjylaryň aglabasy erkeklerdir.
Ine iň meşhur 10 gural:
- ChatGPT - 14,6 milliard gezek ulanyldy;
- Character.ai - 3,8 milliard;
- Quillbot - 1,1 milliard;
- Midjourney - 500,4 million;
- Hugging Face - 316,6 million;
- Bard - 241,6 million;
- NovelAI - 238,7 million;
- Capcut - 203,8 million;
- Janitor AI - 192,4 million;
- Civitai - 177,2 million
