2023-nji ýylda haýsy brendler awtomobillerini has köp yzyna gaýtardy

  • 27.12.2023 14:20
  • 9.5k+

Milli ýol hereketiniň howpsuzlygy administrasiýasynyň (NHTSA) maglumatlaryna görä, Ford kompaniýasy beýleki islendik awtoöndürijilere garanyňda, awtomobillerini has köp yzyna gaýtarýar. 20-nji dekabra çenli ýagdaýa görä, kompaniýa awtomobillerini 54 gezek yzyna gaýtardy, bu hem 2023-nji ýylda 5 692 135 awtomobile täsir edip biler. Ford eýýäm yzygider üçünji ýyl ABŞ-da awtomobilleri yzyna gaýtarmak boýunça birinji orny eýeleýär.

Eger zeper ýeten awtomobiller barada gürrüň etsek, onda Ford-da olar ikinji orny eýelän Kia-nyň awtomobillerinden iki esse köpdür. Gürrüň 3 million awtoulag barada gidýär, olaryň köpüsi ýangyn howpuna getirip biljek tormoz suwuklygynyň syzmagy sebäpli zyýan çekdi. Yzyna gaýtarmalaryň sany boýunça Ford-dan soň 45 gaýtarma bilen Fiat Chrysler Automobiles USA gelýär, onuň bu hereketi 2,7 million awtomobile täsir etdi. BMW-niň hasabynda 29 yzyna gaýtarma, Mercedes-Benz-iň hasabynda 27 yzyna gaýtarma bar. Liderleriň bäşligini 22 gezek yzyna gaýtarma bilen Nissan jemleýär.
Ford-yň görkezijileri 2022-nji ýylda 8,5 mln awtomobile täsir eden 68 yzyna gaýtarmadan peseldi, ýöne ol henizem beýleki awtoöndürijilerden öňde durýar. Kompaniýanyň maglumatlaryna görä, ýagdaý geçen ýyl bilen deňeşdirilende, takmynan, 30% gowulaşdy.
Şeýle-de, bu antireýtingiň ilkinji 12-ligine girmedik Volkswagen-iň ýagdaýy ep-esli gowulaşdy. Kompaniýa 332 700 awtomobile täsir eden 18 gezek yzyna gaýtarmany amala aşyrdy. Bu geçen ýyla garanyňda ep-esli pesdir.
Tesla iň uly yzyna gaýtarma boýunça birinji orny eýeleýär: kompaniýa bir gezekde 2 milliondan gowrak awtoulagy yzyna gaýtardy. 


şu gün 14:18
175

BMW M3 Touring uniwersalynyň ilkinji görkezilişi yglan edildi — oňa “maşgala sport ulagy” diýilýär

BMW Group 2025-nji ýylyň 1-nji noýabrynda Hytaýda geçiriljek BMW M Festival çäresinde täze BMW M3 Touring uniwersalyny ilkinji gezek görkezjekdigini habar berdi. Täze model M3 seriýasyna mahsus sport häsiýeti saklaýar, ýöne gündelik sürmek üçin has giň ýer we amatlylyk hödürleýär...

şu gün 10:57
1.5k+

Tesla 60 müňden gowrak Cybertruck-y yzyna çagyrdy: faralar garşydan gelýän sürüjileriň gözüni gamaşdyrýar

Tesla kompaniýasy garşydan gelýän ulagyň sürüjisini gözüňi gamaşdyryp biljek örän ýiti öň gabara çyralary sebäpli 63 620 sany Cybertruck elektrik pikabyny yzyna çagyrýandygyny habar berdi. Bu barada ABŞ-nyň Ýol hereketiniň howpsuzlygyny dolandyryş Milli gullugy (NHTSA) maglumat berýär...

şu gün 09:27
1.6k+

Mercedes-Benz dünýäde iň güýçli 13 kg-lyk elektrik hereketlendirijisini taýýarlady

Mercedes-Benz-iň Britaniýadaky şahamçasy YASA Group täze nesil aksial elektrik hereketlendirijisini hödürledi. Bu görnüşli hereketlendirijiler okunyň ugrunda aýlanýandygy üçin has ykjam bolýar we elektrikli awtoulaglar üçin amatly hasaplanylýar diýip, Interesting Engineering habar berýär...

26.10.2025 09:37
5.2k+

Tesla-nyň düşewündi rekord girdejä garamazdan 37% azaldy

Tesla 2025-nji ýylyň üçünji çärýegi üçin maliýe hasabatyny hödürledi. Kompaniýanyň arassa girdejisi 37% azalyp, 1,4 mlrd dollar boldy, ýöne girdeji bir ýyl ozalkydan 12% ýokarlanyp, 28 mlrd dollara ýetdi. Öndüriji rekord satuw barada hem habar berdi...