«Kia» täze krossoweriniň adyny mälim etdi – ol «Clavis» diýlip atlandyrylar we Hindistanda öndüriler. Bu barada «Autocar India» salgylanyp, gazeta.ru habar berýär.
Bellenilmegine görä, uzynlygy 4 metre golaý bolan bu awtoulag 2024-nji ýylyň ahyrynda tanyşdyrylar we 2025-nji ýylyň başynda satuwa çykarylar. Ol üç görnüşli hereketlendirijiler – elektrik, gibrid we ýangyç hereketlendirijisi bilen işleýän nusgalarda öndüriler diýlip çaklanylýar. Hindistanda 100 müňe çenli täze krossower öndürmek meýilleşdirilýär, olaryň 80 göterimi içerki ýangyç hereketlendirijileri bilen enjamlaşdyrylar. Öndürilen ulaglaryň bir bölegini eksport etmek meýilleşdirilýär.
Koreýanyň awtoulag öndürijisiniň öndürýän ulaglarynyň hatarynda täze «Clavis» «Sonet» we «Seltos» modelleriniň arasynda ýerleşer. Täze önüm ýolsuz ýerler üçin niýetlenen ulaglara (wnedorožnik) mahsus görnüşe eýe bolar, ýöne ähli tekerleri hereketli ulgam bilen enjamlaşdyrylmaz.
