2023-nji ýylyň ýanwar-noýabr aýlarynda Azerbaýjana Merkezi Aziýadan 121 467 syýahatçy bardy. Bu geçen ýylyň degişli döwri (66 316 adam) bilen deňeşdirilende 83% köpdür. Bu barada Azerbaýjanyň Döwlet syýahatçylyk agentliginiň maglumatlaryna salgylanyp, Azernews habar berýär.
Bellenilişi ýaly, Türkmenistandan gelen syýahatçylaryň sany 23 401 adama ýetdi, bu hem geçen ýylyň degişli döwründäki görkezijiden 2,4 esse köpdür. Bu Merkezi Aziýa ýurtlarynyň arasynda iň uly ösüş.
Sebitiň ýurtlaryndan bu döwürde has köp syýahatçy Gazagystandan geldi – 53 249 adam (geçen ýyl bilen deňeşdirilende 90,7% ösüş). Onuň yzyndan Özbegistan gelýär – 35 222 (49,7% ösüş). Gyrgyzystanyň görkezijisi 5184 adam (78,8% ösüş), Täjigistanyňky 4411 adam (78,3% ösüş).
Umuman, hasabat döwründe Azerbaýjana 1 893 679 syýahatçy geldi (29,8% ösüş).
Ýurduň syýahatçylyk pudagynyň wekilleri geljek birnäçe ýylyň dowamynda syýahatçylaryň sanyny artdyrmagy maksat edinýärler. Olaryň çaklamalaryna görä, 2026-njy ýyla çenli her ýyl Azerbaýjana gelýän syýahatçylaryň sany 4 mln adama ýetmeli.
