Hytaýly alymlaryň topary daşky gurşawyň temperaturasynyň üýtgemegine garamazdan, adama amatly temperatura aralygynda galmaga mümkinçilik berýän we Gün energiýasy bilen işleýän çeýe egin-eşik ulgamyny döretdiler. Bu barada mail.ru habar berýär.
Beýleki termo kadalaşdyryjy lybaslardan tapawutlylykda, Nankaý uniwersitetiniň alymlarynyň döreden lybasy bedeni hem gyzdyryp, hem sowadyp bilýär. Bu Gün yşygyndan zarýad alyp, bir günüň dowamynda temperaturany sazlap bilýän enjamyň kömegi bilen mümkin bolýar.
Täze lybasy döredijileriň bellemeklerine görä, Gün energiýasy bilen işleýän eşikler daşky gurşawyň temperaturasynyň üýtgäp durýan şertlerinde adam bedeniniň howpsuzlygyny we rahatlygyny artdyryp biler, hatda ekstremal şertlerde, mysal üçin, kosmosda ýa-da beýleki planetalarda ýaşaýyş mümkinçiligini ýokarlandyryp biler.
