NASA 31 mln km aralykdan Ýere sary pişikli wideony iberdi

  • 21.12.2023 13:52
  • 13k+

ABŞ-da NASA-nyň Reaktiw hereket barlaghanasynyň (JPL) hünärmenleri Ýere 31 mln km rekord aralykdan ýokary derejede durulykly wideo iberdiler. Bellenilen aralyk biziň planetamyz bilen Aýyň arasyndaky aralykdan, takmynan, 80 esse uludyr. Faýl lazeriň kömegi bilen “Psiheýa” kosmos enjamyndan iberildi diýlip, kosmos agentliginiň resmi saýtynda habar berilýär.

15 sekuntlyk wideonyň gahrymany JPL-iň işgärleriniň biriniň Taters atly sary pişigi boldy. Wideoda pişigiň lazer görkezijisini tutmak synanyşygy görkezilýär.
Wideo signala Ýere barmak üçin 101 sekunt gerek boldy, şondan soň ol San-Diegodaky Kaliforniýanyň tehnologiýa institutynyň Palomar obserwatoriýasynda Heýla teleskopy tarapyndan kabul edildi, soňra sekuntda 267 megabit tizlik bilen giň zolakly tor arkaly Reaktiw hereket barlaghanasyna iberildi.
NASA-nyň wekilleriniň aýtmagyna görä, bu waka uzak kosmosdan maglumatlary döwrebap radioýygylykly ulgamlardan 10-100 esse çalt geçirmäge mümkinçilik berjek lazer aragatnaşygynyň ösüşinde taryhy pursat boldy.


28.07.2025 17:47
2k+

NASA Ýeriň magnit galkanyny öwrenmek üçin TRACERS zonduny uçurdy

NASA Ýere golaý giňişlikde magnit birikdiriş hadysalaryny öwrenmek üçin TRACERS missiýasyna başlady. Munuň üçin ol Kaliforniýadaky Wandenberg kosmos merkezinden SpaceX kompaniýasynyň Falcon 9 raketasyny ulandy...

26.07.2025 11:59
2.8k+

NASA we Hindistan Ýere syn ediş hemralaryndan iň gymmatlarynyň birini uçurmaga taýynlanýar

30-njy iýulda ABŞ-nyň Milli aeronawtika we kosmos giňişliginiň barlaglary dolandyryş gullugy (NASA) we Hindi kosmos barlaglary guramasy (ISRO) tarapyndan işlenip düzülen NISAR Ýere gözegçilik hemrasyny (NASA-ISRO Synthetic Aperture Radar) uçurmak meýilleşdirilýär...

21.07.2025 23:42
2.9k+

NASA býujetiň azaldylmagy sebäpli hemralary we kosmos enjamlaryny satýar

NASA-nyň Reaktiw hereket barlaghanasy (JPL) ozal Ýere gözegçilik etmek üçin ulanylan hemralary we kosmos enjamlaryny satyp başlady. Bu barada agentligiň öňki astrobiology Kit Kouwing tarapyndan ýöredilýän NASA Watch blogunda habar berilýär...

15.07.2025 14:21
8.5k+

NASA Parker enjamynyň Güne iň golaý aralykdan alan wideosyny çykardy

NASA Parker Solar Probe enjamynyň 2024-nji ýylyň dekabrynda Güne ýakynlaşanda alan ilkinji suratlaryny paýlaşdy. Enjam ýyldyzyň üstünden 6,17 million km uzaklykdan sagatda 687 müň km tizlik bilen uçup geçdi. Görünýän...