Tailandyň milli Täze ýyly bolan Songkran baýramy ÝUNESKO-nyň Adamzadyň maddy däl medeni mirasynyň sanawyna girizildi.
«Maddy däl medeni mirasy gorap saklamak boýunça hökümetara komitetiň 18-nji mejlisi Tailanddaky Songkran baýramyny ÝUNESKO-nyň Adamzadyň maddy däl medeni mirasyny gorap saklamak baradaky konwensiýasyna laýyklykda, maddy däl medeni mirasyň sanawyna girizmek kararyny kabul etdi» diýlip, metbugat beýanatynda bellenilýär.
Mundan başga-da, «Khon taý » teatry, adaty massaž we günorta taý tans teatry «Nora» maddy däl miras hökmünde ykrar edildi.
Tailand Songkranyň ÝUNESKO-nyň mirasynyň sanawyna girizilmegi üçin 2020-nji ýylda ýüz tutupdy. Baýram taý Gün senenamasy boýunça Täze ýylyň başlanmagyny alamatlandyrýar. Ol 13, 14 we 15-nji aprelde bellenilýär. 15-nji aprel taý eýýamynyň Täze ýylynyň ilkinji güni. Baýramyň ady terjime edilende «geçiş» diýmekdir, ol Günüň täleýnamanyň başga bir ýyldyzyna geçmegini aňladýar.
