"Dzeý" ("salgyt") ieroglifi Ýaponiýada 2023-nji ýylyň nyşany hökmünde saýlandy. Bu mynasybetli dabaraly çäre Kioto şäherindäki budduzmiň “Arassa suw ybadathanasynda” geçirildi. Ol ýurduň öňdebaryjy teleýaýlym kompaniýalary tarapyndan efire berildi.
Däp bolşy ýaly, ýylyň nyşany ybadathananyň ruhanysy monah Seýhan Mori tarapyndan 130x150 santimetr ölçegdäki tüwi kagyzynyň ýüzüne çyzyldy. Ýaponiýada salgyt mowzugyna bagyşlanan habarlar köp berildi.
2022-nji ýylda “ikusa” (“jeň, söweş”) ieroglifi nyşana öwrülipdi. Guramaçylaryň sözlerine görä, bu saýlaw koronawirusa garşy dowam edýän göreş we ýaponiýaly türgenleriniň Pekinde gyşky Olimpiýa oýunlarynda üstünlikli çykyş etmegi ýaly birnäçe sebäplere görä saýlandy.
Ýylyň nyşany 1995-nji ýyldan bäri kesgitlenýär. Bu dabara tertip boýunça 29-njy boldy.
