Gazagystanyň Energetika ministrligi bilen Hytaýyň Huawei kompaniýasy sanly energetika pudagynda bilelikdäki taslamalary durmuşa geçirmäge gönükdirilen hyzmatdaşlyk baradaky ähtnama gol çekdi. Bu barada edaranyň metbugat gullugyna salgylanyp, ru.sputnik.kz habar berýär.
Resminama Astanada Gazagystanyň energetika ministriniň orunbasary Bakytžan Ilýas we Huawei Technologies Kazakhstan-yň ýolbaşçysy Çžao Sýuý gol çekdi.
“Gol çekilen ähtnama sanly energetika pudagynda bilelikdäki innowasion taslamalary durmuşa geçirmäge, Gazagystan Respublikasynyň bitewi energetika ulgamynyň ylmy-tehniki we önümçilik potensialyny güýçlendirmäge gönükdirilen hyzmatdaşlygy göz öňünde tutýar” – diýlip, edaranyň habarynda aýdylýar.
Huawei bilen hyzmatdaşlyk bilelikdäki ylmy-gözleg we bilim taslamalarynyň durmuşa geçirilmegine ýardam eder hem-de “kadalaşdyryjy hukuk namalaryny kämilleşdirmek we energetika ulgamyny dolandyryş pudagynda halkara ülňülerini sazlaşdyrmak üçin zerur şertleri döreder” diýip, Energetika ministrligi belleýär.
Huawei Technologies Co. Ltd. telekommunikasiýalar pudagynda dünýäniň iň uly kompaniýalarynyň biridir. Ol 1987-nji ýylda esaslandyryldy.
