7-nji dekabrda Türkmenistanyň Türkiýe Respublikasyndaky ilçihanasy Ankaranyň «Konk Halı Saha» sport toplumynda sportuň kiçi futbol görnüşi boýunça bäsleşik geçirdi. Bäsleşik Halkara Bitaraplyk güni mynasybetli guraldy.
Bäsleşige Türkiýäniň ýokary okuw mekdeplerinde okaýan türkmen we daşary ýurtly talyplar, türkmen diasporasynyň wekilleri, şeýle hem Ankarada akkreditlenen Azerbaýjanyň, Gazagystanyň, Gyrgyzystanyň, Täjigistanyň we Özbegistanyň ilçihanalarynyň wekilleri gatnaşdylar.
Dostlukly ýagdaýda geçirilen bu bäsleşik diňe bir sport çäresi bolman, eýsem döwletara parahatçylygyň we hoşniýetliligiň nyşanyna öwrüldi.
Ýaryşyň netijeleri boýunça ýeňijilere ilçihana tarapyndan degişli sowgatlar we şahadatnamalar gowşuryldy diýip, Türkmenistanyň DIM-niň Metbugat gullugy habar berdi.
