Ýaponiýa Marsy öwrenmek üçin hemra enjamynyň uçurylyşyny 2024-nji ýyldan 2026-njy ýyla süýşürmek kararyna geldi. Meýilnamalaryň üýtgemegi kosmos enjamyny uçurmak üçin ulanylmaly H3 raketa göterijisiniň näsazlyklary bilen baglanyşyklydyr. Ilkibaşda 2024-nji ýyla meýilleşdirilen Mars Moons Exploration (MMX) ýapon taslamasy zondy Marsyň hemralarynyň biri bolan Fobosa eltmegi göz öňünde tutýardy.
Missiýanyň wezipesi Fobosyň üstünden nusgalary almakdy. Bu nusgalar Mars ulgamynyň gelip çykyşy we ewolýusiýasy barada gymmatly maglumatlary berip bilerdi.
Planetalaryň arasyndaky aralygy göz öňünde tutsaň, Marsa uçurmak üçin indiki amatly penjire 2026-njy ýylda bolar. Bu missiýa kosmosy öwrenmekde we Gyzyl planeta hem onuň hemralaryna düşünmekde uly goşant goşmagy wada berýär.
