28-nji noýabrda Maşat şäherinde «Star Expo 2023» ady bilen iýmit we syýahatçylyk ugruna bagyşlanan dördünji sergi öz işine başlady.
Şäheriň “Ýyldyz” söwda merkeziniň binasynda işe başlan bu sergä Türkmenistanyň Maşat şäherindäki Baş konsullygy öz sergi stendi bilen gatnaşdy.
Türkmenistanyň sergi stendinde türkmen halkynyň gadymy taryhyny, baý medeni mirasyny, döredijilik däplerini şöhlelendirýän şekillendiriş, amaly-haşam sungatynyň eserleri, saz gurallary we milli lybaslary görkezildi.
Şeýle-de, sergä gatnaşyjylara türkmen halkynyň Milli Lideri Gurbanguly Berdimuhamedowyň jöwher paýhasynyň miwesi bolan ajaýyp kitaplary bilen tanyşmaga mümkinçilikler döredildi diýip, Türkmenistanyň DIM-niň Metbugat gullugy habar berdi.
