Mýunheniň futbol kluby «Bawariýa» resmi web sahypasynda Germaniýanyň milli ýygyndysynyň derwezebany Manuel Noýer bilen şertnamasynyň möhletiniň uzaldylýandygyny habar berdi.
37 ýaşly oýunçy bilen şertnama 2025-nji ýylyň 30-njy iýunyna çenli uzaldyldy.
«Bawariýada» ýene bir ýyl galjakdygyma begenýärin. Uzak wagt dowam eden şikesden soň, men doly güýjümde dolanyp geldim. Bu toparda çykyş etmek maňa örän uly lezzet berýär» diýip, Noýer belledi.
Noýer 2022-nji ýylyň dekabr aýynda dynç alyşda lyžada typýarka ýykylyp, aýagyny döwdürdi. Oktýabr aýynyň ahyrynda derwezeban oýunlara gaýdyp geldi.
Noýer 2011-nji ýyldan bäri «Bawariýada» çykyş edýär. Mýunheniň klubynyň düzüminde ol 11 gezek Germaniýanyň çempiony boldy, bäş gezek ýurduň Kubogynyň we iki gezek Çempionlar ligasynyň Kubogynyň eýesi boldy. Noýer Germaniýanyň milli ýygyndysynyň düzüminde çempiony boldy (2014) we milli ýygyndyda soňky gezek geçen ýylyň dekabrynda Katarda geçirilen dünýä çempionatynda çykyş etdi.
