Ženewada Türkmenistanyň gatnaşmagynda ilkinji Bütindünýä durnukly ulag güni bellenilýär

  • 24.11.2023 23:34
  • 2.1k+

Şu gün ulag pudagynyň ýolbaşçylary, Birleşen Milletler Guramasy we raýat jemgyýeti resmi senesi 26-njy noýabr bolan Bütindünýä durnukly ulag gününi bellemek üçin Şweýsariýanyň Ženewa şäherine ýygnandylar. Bu barada Orient habar berýär.

BMG-niň Baş Assambleýasy 77-nji sessiýasynda Türkmenistan tarapyndan hödürlenen BMG-niň Bütindünýä durnukly ulag gününi yglan etmek baradaky rezolýusiýany kabul etdi. Täze baýramçylyk mynasybetli Ženewanyň Milletler köşgünde ýörite çäre guraldy.
Forum “Ulag biziň gündelik durmuşymyza nähili goldaw berýär” tematiki sessiýasy bilen başlandy we täze baýramçylygy döretmek başlangyjyny öňe süren ýurt hökmünde Türkmenistanyň adyndan esasy doklad hödürlendi.
Forumda Türkmenistanyň Ministrler Kabinetiniň ýanyndaky Ulag we kommunikasiýalar agentliginiň baş müdiriniň orunbasary Batyr Annaýew çykyş edip, bu senäniň 2016-njy ýylyň 26-njy noýabrynda Aşgabatda ýokary derejede geçirilen BMG-niň Durnukly ulag boýunça ilkinji global konferensiýasy bilen baglanyşyklydygyny belledi.
Ol foruma gatnaşyjylary 2022 – 2025-nji ýyllar üçin Türkmenistanyň Prezidentiniň Ulag diplomatiýasynyň ösüş maksatnamasy bilen gysgaça tanyşdyrdy. Bu maksatnama ýurduň ulag ulgamlarynyň potensialyny we bu ugurda halkara hyzmatdaşlygyny mundan beýläk-de pugtalandyrmak maksatlaryny kesgitleýär.
Şeýle-de, Türkmenistanyň ulag boýunça 12 halkara konwensiýa gatnaşýandygy bellenildi. Hut türkmen tarapynyň başlangyjy bilen soňky 10 ýylda BMG-niň Baş Assambleýasy tarapyndan ulag we üstaşyr geçelgeleriniň ornuny, durnukly we ygtybarly halkara ýük gatnawlaryny üpjün etmek we durnukly ösüş maksatlaryna ýetmek üçin ulaglaryň ähli görnüşleriniň arasynda özara gatnaşygyň zerurdygyny görkezýän 4 rezolýusiýa kabul edildi.
Forumyň maksatnamasyna howply ýükleri, çalt zaýalanýan azyk önümlerini daşamak ýaly dürli meseleler boýunça hünärmenleriň we iş toparlarynyň komitetiniň mejlisi girdi. Aýry-aýry sessiýalar ulag howpsuzlygyna we ulagyň howanyň üýtgemegi meselesini çözmäge, söwda aragatnaşygyna nähili ýardam edýändigine bagyşlanýar.


şu gün 10:37
163

Türkmenistanyň Mejlisiniň Başlygy Hindistanyň ilçisi bilen duşuşdy

26-njy noýabrda Türkmenistanyň Mejlisiniň Başlygy D.Gulmanowa Hindistanyň ilçisi Bandaru Wilsonbabu bilen duşuşdy. Bu barada milli Parlamentiň saýtynda habar berilýär. Mejlisiň ýolbaşçysy ilçini ýokary diplomatik wezipä bellenilmegi mynasybetli gutlap, oňa iki ýurduň arasyndaky köpugurly gatnaşyklary mundan beýläk-de ösdürmäge gönükdirilen işinde uly üstünlikleri arzuw etdi...

şu gün 10:16
246

ÝUNISEF-iň we ÝUNFPA-nyň Türkmenistandaky wekilhanalarynyň 2026-njy ýyl üçin iş meýilnamalary taýýarlanyldy

2026-2027-nji ýyllarda anyk çäreleri geçirmek üçin BMG-niň Çagalar gaznasy we Ilat gaznasy bilen Türkmenistanyň degişli ministrlikleriniň, pudak edaralarynyň, jemgyýetçilik guramalarynyň arasynda dürli ugurlar boýunça jemi 16 sany resminamanyň taslamalary işlenip taýýarlanyldy...

şu gün 10:04
979

Türkmenistanda dekabr aýynda geçiriljek esasy çäreleriň Tertibi aýdyldy

28-nji noýabrda geçirilen Hökümet mejlisinde wise-preýmer B.Seýidowa 2025-nji ýylyň dekabr aýynda geçiriljek esasy çäreleriň we açylyp ulanmaga beriljek medeni-durmuş maksatly binalaryň Tertibi barada hasabat berdi...

şu gün 10:01
958

5-nji dekabrdan Türkmenistanyň çäginde baýramçylyk söwdalary başlanar

5-nji dekabrdan başlap Türkmenistanyň welaýatlarynda hem-de Aşgabat, Arkadag şäherlerinde ýerleşýän söwda merkezlerinde, bazarlarda, dükanlarda baýramçylyk söwdalaryny amala aşyrmak, göçme söwda nokatlaryny gurnamak göz öňünde tutulýar...