Azerbaýjanda Magtymgulynyň doglan gününiň 300 ýyllygyna bagyşlanan halkara ylmy maslahat geçirildi

  • 20.11.2023 15:31
  • 5.1k+
17-nji noýabrda Azerbaýjanyň milli Ylymlar akademiýasynyň Muhammet Fizuly adyndaky Golýazmalar institutynyň mejlisler zalynda Gündogaryň nusgawy şahyry we akyldary Magtymguly Pyragynyň doglan gününiň 300 ýyllygy mynasybetli halkara ylmy maslahat geçirildi.

Maslahatyň işine Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň ylmy işgärleri, Magtymguly adyndaky Türkmen döwlet uniwersitetiniň professor-mugallymlary we talyplary, Azerbaýjanyň milli Ylymlar Akademiýasynyň Nyzamy Genjewi adyndaky edebiýat institutynyň we Muhammet Fizuly adyndaky Golýazmalar institutynyň ýolbaşçylary hem alymlary gatnaşdylar. Duşuşykda Azerbaýjanyň Milli Ylymlar akademiýasynyň prezidenti Isa Habibeýli, Türkmenistanyň Azerbaýjandaky ilçisi G.Elýasow, türkmen we azerbaýjan alymlary Magtymguly Pyragynyň ömri we döredijiligi, onuň eserleriniň umumadamzat derejesindäki  ähmiýeti barada çykyş etdiler.

Çäräniň dowamynda Oguzhan adyndaky “Türkmenfilm” birleşiginiň Magtymguly Pyragy barada surata düşürilen “Hakyň guly - Magtymguly” atly çeper filmi görkezildi.
Halkara ylmy maslahatyň çäklerinde Magtymguly Pyragynyň saýlanan eserleriniň azerbaýjan dilindäki neşiriniň tanyşdyrylyş dabarasy geçirildi diýip, ýurdumyzyň daşary syýasat edarasy habar berdi.


düýn 17:30
13k+

Garabogazköl howdanynda Türkmenistanda ilkinji gezek garagulagyň çagasy surata düşürildi

Türkmenistanyň çäginde ilkinji gezek garagulagyň çagasy surata düşürildi. Ýabany tebigatda möhüm açyş hökmünde hasaba alnan bu taryhy pursat Garabogazköl howdanynda oturdylansurata alyjy duzaklara düşdi. Surata...

düýn 17:08
1.4k+

Türkmenistan UK Export Finance kompaniýasy bilen infrastruktura we eksport taslamalaryny maslahatlaşdy

27-nji iýunda Türkmenistanyň daşary işler ministriniň orunbasary M.Bäşimowa UK Export Finance (UKEF) kompaniýasynyň wekiliýeti bilen duşuşdy. Türkmenistanyň DIM-niň habar bermegine görä, wekiliýete kompaniýanyň Türkiýe, Gündogar Ýewropa we Merkezi Aziýa boýunça sebitleýin ýolbaşçysy Şebnem Alp ýolbaşçylyk etdi...

düýn 14:43
4.4k+

Medeniýet hepdeligi — 2025 baýramçylyk konserti bilen jemlendi

27-nji iýunda Türkmenistanda Medeniýet we sungat işgärleriniň hem-de Magtymguly Pyragynyň şygryýet güni giňden baýram edildi. Bu baýrama gabatlanyp geçirilen Medeniýet hepdeligi Ahal welaýatynyň Ak bugdaý etrabynyň “Nowruz ýaýlasyndaky” «Türkmeniň ak öýi» binasynda sungat ussatlarynyň uly baýramçylyk konserti bilen tamamlandy...

düýn 00:01
3.6k+

2026-njy Türkmenistanda Medeniýet hepdeliginiň geçiriljek ýeri kesgitlenildi

27-nji iýunda geçirilen Hökümet mejlisiniň barşynda wise-premýer B.Seýidowa Türkmenistanyň Prezidentiniň garamagyna Balkan welaýatynda Medeniýet hepdeligini geçirmek hakynda Kararyň taslamasyny hödürledi.  Bu barada “Watan” habarlar gepleşiginde habar berildi...