2023-nji ýylyň 6-njy dekabrynda Türkmen oba hojalyk institutynda Halkara Bitaraplyk güni mynasybetli Türkmenistanyň we daşary ýurtlaryň ýokary okuw mekdepleriniň talyplarynyň arasynda Inžener we kompýuter grafikasy boýunça II Halkara internet bäsleşigi geçiriler. Ýokary okuw mekdebi isleg bildirýän talyplaryň ählisini oňa gatnaşmaga çagyrýar.
Halkara internet bäsleşigi şahsy bäsleşik görnüşinde geçirilýär.
Halkara internet bäsleşiginiň resmi iş dilleri – türkmen, iňlis we rus dilleri.
Bäsleşige inženerçilik ugurly hünärde we islendik ýylda okaýan talyplar gatnaşyp bilerler.
Bäsleşige her ýokary okuw mekdebinden 5 (bäş) sany talypdan köp bolmadyk toparlar gatnaşyp bilerler.
Bäsleşigiň ýumuşlary institutyň www.tohi.edu.tm web sahypasynyň ýörite bölümine goýlar.
Bäsleşigiň geçirilişi:
- bäsleşige gatnaşyjylar grafiki programmalarynda gurnaýyş çyzgysy esasynda önümiň her bir detalynyň we önümiň özüniň 3 ölçegli modelini, şeýle hem detallardan biriniň iş çyzgysyny taýýarlamaly;
- bäsleşige gatnaşyjylaryň her birinde şahsy kompýuteri bolmalydyr;
- sanly grafiki programmasynyň görnüşini gatnaşyjy islegine görä saýlap biler (Autocad, Kompas-3D, Autodesk Inventor, Solidworks we beýl.);
- bäsleşikde ýumuşlary ýerine ýetirmek üçin berilýän wagt – 240 minut.
Bäsleşigiň ýeňijileri ýumuşyň ýerine ýetiriliş derejesine baglylykda toplanan ballaryň jemi boýunça kesgitlenilýär we şahsy hem-de toparlaýyn görnüşde hasaba alynýar.
Bäsleşigiň ýeňijileriniň sany, oňa gatnaşyjylaryň sanyna baglylykda kesgitlenilýär, ýagny talyplaryň 10%-i I derejeli, 20%-i II derejeli we 30%-i III derejeli diplomlar bilen sylaglanar.
Bäsleşigiň ýeňijileri we olaryň ýerine ýetiren işleri institutyň www.tohi.edu.tm web sahypasynyň ýörite bölümine ýerleşdiriler.
Halkara internet bäsleşigine gatnaşmaga isleg bildirýän ýokary okuw mekdebi düzümi 5 (bäş) sany talypdan köp bolmadyk toparyň we olaryň ýolbaşçy mugallymynyň maglumatlaryny 1-nji goşundyda görkezilen nusga laýyklykda 2023-nji ýylyň 25-nji noýabryna çenli institutyň tohi_tm@sanly.tm elektron salgysyna ugratmaly.
Bäsleşige hasapdan geçmek üçin şu salga ýüzlenip bilersiňiz!
Habarlaşmak üçin:
Tel.: +993 322 9-33-92,
+993 65 93 16 38,
+993 65 94 17 40
e-mail: tohi_tm@sanly.tm
