Bütindünýä saglygy goraýyş guramasy ýalňyzlygy dünýädäki adamlar üçin saglyga howp hökmünde kesgitledi. BSGG-niň Sosial gatnaşyklar boýunça iş toparynyň egindeş başlygy Çido Mpembanyň sözlerine görä, ýalňyzlygyň çägi ýok we ol saglygyň, abadançylygyň we ösüşiň ähli taraplaryna täsir edýär. Şol bir wagtyň özünde, BSGG ýalňyzlygy çilim bilen deňeşdirdi. Hatda onuň zyýany çilimiň zyýany bilen bahalandyryldy.
Görlüp oturylsa, ýalňyzlyk her gün 15 çilim çeken deý zyýanly eken. Mundan başga-da, ondan saglyga abanýan howp fiziki işjeňligiň we semizligiň ýetirýän zyýanyndanam has uly eken.
ABŞ-ly baş sanitar lukman Wiwek Murtiniň bellemegine görä, ýalňyzlyk ösen ýurtlaryň «wawwaly» meselesi hasaplanýar. Ýöne häzir islendik sebitde gartaşan her dördünji adam jemgyýetden üzňelikde ýaşaýar.
Jemgyýetçilik baglanyşyklarynyň adamlaryň saglygyna edýän täsirini öwrenmek üçin BSGG geljek üç ýyl üçin ýörite iş toparyny döretdi. Çido Kleopatra Mpemba we Wiwek Murti onuň egindeş başlyklary boldular. Iş toparyň düzümine jemi 11 syýasatçy we jemgyýetçilik işgäri girdi diýip, The Guardian belleýär.
