Oguz han adyndaky «Türkmenfilm» birleşiginiň topary Gündogaryň beýik akyldary Magtymguly Pyragynyň doglan gününiň 300 ýyllygy mynasybetli şahyr hakyndaky dokumental filmi surata düşürmek üçin Özbegistanyň gadymy Buhara şäherine döredijilik saparyna taýýarlanýar. Bu barada «Türkmenistan: Altyn asyr» elektron neşiri habar berýär.
Ozal Magtymguly Pyragynyň ady we döredijilik mirasy bilen baglanyşykly ýerler we adamlar baradaky filmler Russiýada, Azerbaýjanda, Eýranda we Türkiýede surata düşürildi.
Noýabr aýynyň ahyrynda Özbegistana ugrajak topara «Türkmenfilm» birleşiginiň ýaş režissýory, milli türkmen telewideniýesinde görkezilen «Binýat» atly doly metražly filmi bilen tanalýan Annadurdy Taşliýew ýolbaşçylyk eder.
