Aşgabatda Daewoo Engineering & Construction kompaniýasynyň şahamçasynyň açylyşy boldy. Açylyş dabarasynda Günorta Koreýanyň Daşary işler ministri Pak Çžin Türkmenistanyň gurluşyk we senagat boýunça wise-premýeri Baýmyrat Annamämmedow bilen duşuşdy. Bu barada Koreýa Respublikasynyň DIM-ine salgylanyp, Türkmenistan Halkara Habarlar portaly habar berýär.
Wise-premýer koreý kompaniýalarynyň türkmen ykdysadyýetiniň ösüşine goşýan goşandyna ýokary baha berdi. Ol Koreýanyň Galkynyş gaz ýatagynda kükürt arassalaýyş boýunça toplumyň we Gyýanlyda gaz-himiýa zawodynyň gurluşygy ýaly iri taslamalara gatnaşygyny belledi. Baýmyrat Annamämmedow energetika we infrastruktura pudagynda Koreýa bilen Türkmenistanyň arasyndaky hyzmatdaşlygyň mundan beýläk-de çuňlaşdyrylmagyna ynam bildirdi.
Öz gezeginde, Günorta Koreýanyň Daşary işler ministri türkmen tarapyny hyzmatdaşlygy işjeňleşdirmäge çagyryp, koreý kompaniýalarynyň dökün önümçiligi boýunça zawodlary gurmak, tebigy gazy suwuklandyrmak boýunça desgalary döretmek we kükürtsizleşdirmek boýunça desgalary gurmak ýaly taslamalara gatnaşmaga gyzyklanma bildirýändigini belledi.
Ýatlap geçsek, Pak Çžin “Merkezi Aziýa – Günorta Koreýa” 16-njy hyzmatdaşlyk forumyna gatnaşmak üçin Aşgabada geldi.
