Türkmenbaşy porty TransLogistica Uzbekistan 2023 sergisinde dünýäniň ulag kompaniýalarynyň ünsüni özüne çekdi

  • 03.11.2023 21:46
  • 9.5k+
Türkmenbaşy porty TransLogistica Uzbekistan 2023 sergisinde dünýäniň ulag kompaniýalarynyň ünsüni özüne çekdi

1-3-nji noýabr aralygynda Daşkentde “TransLogistica Uzbekistan 2023” halkara sergisi geçiridi. Bu çärä dünýäniň 15 ýurdundan 60-dan gowrak kompaniýa, şol sanda Türkmenbaşy Halkara deňiz porty gatnaşýar. Bu barada Orient habar berýär.

Şol bir wagtyň özünde Daşkentde Şanhaý Hyzmatdaşlyk Guramasynyň 1-nji Halkara ulag forumy, Ykdysady Hyzmatdaşlyk Guramasynyň ulag ministrleriniň 12-nji mejlisi we “Awiasiýa we logistika 2023” halkara awiasiýa forumy geçirilýär. Bellenilen çärelere türkmen wekiliýetiniň agzalary hem gatnaşýar.
Öz diwarlygy bilen sergä gatnaşyjylaryň ünsüni özüne çeken Türkmenbaşy Halkara deňiz portunyň wekilleri portuň mümkinçilikleri barada giňişleýin gürrüň berdiler.
Halkara serginiň dowamynda Türkmenbaşy portunyň wekilleri tarapyndan MSC Tashkent LLC, FESCO, MEDLOG GEORGIA LLC, Albayrak, Central Asia Trans, Azlogista, TRANSASIA Logistics, PRIME Shipping & Transportation ýaly dünýäniň belli ulag-logistika kompaniýalary bilen gepleşikler geçirildi.
Şeýle-de, PSA Africa PTE LTD kompaniýasynyň wekilleri we Bütindünýä bankynyň Özbegistandaky wekilhanasy bilen gämi gurluşygyna maýa goýumlary çekmek boýunça gepleşikler guraldy. Mundan başga-da, portlarda ýükleme-düşürme işleri üçin innowasion ýükleýiş enjamlaryny öndüriji RAM Spreaders kompaniýasynyň wekilleri bilen gepleşikler geçirildi.    

Türkmenistan San-Tome we Prinsipi bilen diplomatik gatnaşyklary ýola goýdy
düýn 16:59
2.5k+

Türkmenistan San-Tome we Prinsipi bilen diplomatik gatnaşyklary ýola goýdy

Türkmenistan resmi taýdan San-Tome we Prinsipi Demokratik Respublikasy bilen diplomatik gatnaşyklary ýola goýdy. Teswirnamana gol çekmek dabarasy 11-nji dekabrda Türkmenistanyň Söwda-senagat edarasynyň binasynda geçirildi...

Türkmenistanda Ekwatorial Gwineýanyň ilçisi işe başlady
düýn 16:51
1.1k+

Türkmenistanda Ekwatorial Gwineýanyň ilçisi işe başlady

15-nji dekabrda Prezident Serdar Berdimuhamedowyň tabşyrygy boýunça Mejlisiň Başlygy D.Gulmanowa Ekwatorial Gwineýa Respublikasynyň Türkmenistandaky Adatdan daşary we Doly ygtyýarly ilçisi Lusiano Nkogo Ndong Aýekabadan ynanç hatyny kabul etdi...

Serdar Berdimuhamedow Bahreýniň Patyşasyny ýurduň Milli güni bilen gutlady
düýn 16:39
1.2k+

Serdar Berdimuhamedow Bahreýniň Patyşasyny ýurduň Milli güni bilen gutlady

Prezident Serdar Berdimuhamedow Bahreýniň Patyşasy Hamad bin Isa Al Halifa we ýurduň ähli halkyna Bahreýn Patyşalygynyň Milli güni mynasybetli mähirli gutlaglaryny, iň gowy arzuwlaryny iberdi. “Türkmenistan bilen...

Serdar Berdimuhamedow Gazagystanyň Prezidentini Garaşsyzlyk güni bilen gutlady
düýn 16:28
2.2k+

Serdar Berdimuhamedow Gazagystanyň Prezidentini Garaşsyzlyk güni bilen gutlady

Prezident Serdar Berdimuhamedow Gazagystanyň Prezidenti Kasym-Žomart Tokaýewe we ýurduň ähli halkyna Gazagystanyň Garaşsyzlyk güni mynasybetli tüýs ýürekden gutlaglaryny iberdi. Döwlet Baştutanynyň hatynda belleýşi ýaly, Gazagystan garaşsyz ösüş ýyllarynda döwlet gurluşyny kämilleşdirmekde we halkyň hal-ýagdaýyny gowulandyrmakda uly işler bitirdi...