Şu ýylyň 20-nji noýabrynda Germaniýa Federatiw Respublikasynyň Berlin şäherinde Türkmen-German işewürler forumy geçiriler. Forumy ýokary guramaçylyk derejesinde geçirmek boýunça taýýarlyk işleri barada wise-premýer B.Atdaýew Hökümet mejlisinde habar berdi.
Bu forumyň dowamynda ýurdumyzyň ykdysady ösüşi we maýa goýum mümkinçilikleri, maglumat tehnologiýalary, ulag we telekommunikasiýa ulgamlarynda ýurdumyzyň infrastrukturasyny ösdürmegiň maýa goýum taslamalary bilen tanyşdyrmak, şeýle hem nebitgaz, himiýa we beýleki senagat pudaklary hem-de bank we ätiýaçlandyryş pudaklaryny hyzmatdaşlygy ösdürmegiň ugurlary ara alnyp maslahatlaşylar.
