Türkmenistanyň Prezidenti Gyrgyz Respublikasynyň daşary işler ministrini kabul etdi

  • 01.11.2023 23:56
  • 1.7k+

1-nji noýabrda Prezident Serdar Berdimuhamedow “Merkezi Aziýa – Koreýa Respublikasy” 16-njy Hyzmatdaşlyk forumyna gatnaşmak üçin paýtagtymyza gelen Gyrgyz Respublikasynyň daşary işler ministri Žeenbek Kulubaýewi kabul etdi.

Serdar Berdimuhamedow we myhman döwletara hyzmatdaşlygyny giňeltmegiň geljegini ara alyp maslahatlaşmagyň barşynda soňky ýyllarda Türkmenistan  bilen Gyrgyz Respublikasynyň arasynda däp bolan dostlukly gatnaşyklaryň okgunly häsiýete eýe bolandygyny kanagatlanma bilen bellediler. Nygtalyşy ýaly, biziň ýurtlarymyz diňe bir ikitaraplaýyn syýasy dialogy üstünlikli dowam etmek bilen çäklenmän, şol bir wagtda halkara guramalaryň, ilkinji nobatda, BMG-niň we GDA-nyň çäklerinde işjeň hyzmatdaşlyk edýärler.
Duşuşygyň dowamynda söwda-ykdysady hyzmatdaşlygyň döwletara dialogynyň möhüm ugry bolup durýandygyna üns çekildi. Şunuň bilen baglylykda, bu ulgamda ikitaraplaýyn hyzmatdaşlygy ösdürmek maksady bilen, bar bolan ägirt uly kuwwatlyklary açmak üçin mümkin bolan ähli gurallaryň doly peýdalanylmagynyň zerurdygy tassyklanyldy. Ulag-üstaşyr gatnawlar ulgamynda hyzmatdaşlygy giňeltmek meseleleri aýratyn ara alnyp maslahatlaşyldy.
Iki ýurduň arasynda halklarymyzyň has-da ýakynlaşmagyna ýardam edýän medeni-ynsanperwer ulgamynda hyzmatdaşlyga aýratyn orun degişldir. Şunuň bilen baglylykda, ylym, bilim, sport we syýahatçylyk ulgamynda bilelikde işlemek üçin uly mümkinçilikleriň bardygy bellenildi.


düýn 16:22
2.3k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
1.9k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
4.8k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
10k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...