Hytaý emeli aň pudagynda geçen ýylky 29 000 arza bilen deňeşdirilende emeli aň bilen baglanyşykly patent üçin 29 853 arza tabşyryp, öňe çykdy. Tersine, ABŞ-da emeli aň üçin patent arzalarynyň sany 5,5% azaldy. Umuman, iki ýurduň arasyndaky tapawut görkezijisi 80%-e deň diýip, ferra.ru ýazýar.
Bütindünýä intellektual eýeçilik guramasynyň maglumatlaryna görä, emeli aň üçin global patent arzalarynyň 40%-den gowragy Hytaýyň paýyna düşýär, Ýaponiýa we Günorta Koreýa 2022-nji ýylda jemi 16 700 arza tabşyryp, ondan yzda barýar.
Şeýle üstünlik Hytaýyň nanomateriallardan we robototehnikadan başlap, ýokary radio ýygylykly aragatnaşyga, gorag we kosmos tehnologiýalaryna çenli dürli tehnologiýa pudaklarynda agalyk ediji ornuny görkezýär.
Pekiniň ýolbaşçylaryna ýakyn çeşmeler patent arzalaryny tabşyrmagyň Waşington tarapyndan geçirilýän çäklendiriji kampaniýalara garşy durmagyň iň täsirli usullarynyň biridigini nygtaýarlar. Ähli patent arzalary hakyky oýlap tapyşlara getirmese-de, Huawei ýaly hytaý kompaniýalary neýron ulgamlar, superkompýuterler ýaly dürli ugurlarda innowasiýalary gazanmagy başardylar.
