23-29-njy oktýabrda Garagalpagystanyň paýtagty Nukus şäherinde geçirilen Muhammet al-Horezmi adyndaky Matematika boýunça halkara olimpiadasynda türkmenistanly ýaş matematikler 4 altyn, 5 kümüş, 7 bürünç medal gazandylar.
Olimpiada şeýle hem Gazagystandan, Özbegistandan, Täjigistandan we Gyrgyzystandan gelen iň oňat 152 matematikaçynyň gatnaşdy.
Türkmenistandan iki talyp «Absolýut çempion» adyny aldy. Olar — Halkara ynsanperwer ylymlary we ösüş uniwersitetiniň talyby Myratgeldi Annamuhammedow we Türkmen döwlet energetika institutynyň talyby Döwlet Gurdow.
Umuman alanyňda, Olimpiadada ýurduň dürli ýokary okuw mekdeplerinden - Magtymguly adyndaky Türkmen döwlet uniwersitetinden, Halkara gatnaşyklary institutyndan, Seýitnazar Seýdi adyndaky Türkmen döwlet mugallymçylyk institutyndan, Türkmen döwlet binagärlik-gurluşyk institutyndan, Türkmen oba hojalyk institutyndan - jemi 35 talyp çykyş etdi.
Muhammet al-Horezmi adyndaky Matematika olimpiadasy Özbegistanyň hökümeti tarapyndan 2018-nji ýylda tassyklandy we şondan bäri her iki ýyldan bir gezek geçirilýär. Onuň guramaçylary - Özbegistan Respublikasynyň Ýokary bilim, ylym we innowasiýa ministrligi Garagalpagystan Respublikasynyň Ministrler geňeşi we Gazagystan Respublikasynyň Ýokary bilim, ylym we innowasiýa ministrligi.
