«Türkmenistanyň nebiti we gazy – 2023» atly halkara maslahatyna we sergisine rekord derejede gatnaşyjy bardy. Bu barada çäräniň jemi boýunça geçirilen metbugat maslahatynda forumyň guramaçylary habar berdi diýip, «Nebit-Gaz» elektron neşiri habar berýär.
“Häzirki forum wekilleriň sany boýunça rekord goýdy. Bizde heniz 28 sany nebitgaz konferensiýasyny geçirmegiň taryhynda şeýle rekord derejeli gatnaşyjy bolmandy. Gelip gatnaşan wekilleriň sany 700-den gowrak. Olardan 400-den gowragy bize daşary ýurtlardan gelen wekillerimizdir. Tas 50 ýurtdan” – diýip, “Turkmen Forum” hojalyk jemgyýetiniň müdiri Nazar Atajanow aýtdy.
Türkmenistanyň Söwda-senagat edarasynda geçirilen OGT – 2023 sergisinde 70-den gowrak kompaniýa öz diwarlyklaryny ýerleşdirdi. Sergä üç iş gününiň dowamynda 10 müňe golaý adam baryp gördi.
