Türkmenistanda 1949-njy ýylda gurlan iň gadymy ylmy-barlag institutlarynyň biri bolan “Nebitgaztaslamanyň” binasynyň durky täzelendi. Bu institut ýurduň günbatar sebitiniň dolandyryş merkezinde, Balkanabat şäherinde ýerleşýär diýip, Türkmenistanyň resmi metbugaty habar berýär.
Bu ýerde ammarlar we barlaghanalar, şeýle-de institutyň inžener-aragatnaşyk, önümçilik-tehniki infrastrukturalary doly täzelendi diýip, institutyň nebitgaz ýataklarynyň gidrogeologiýa we gidrohimiýa barlaghanasynyň baş ylmy işgäri, geologiýa we mineralogiýa ylymlarynyň kandidaty, zähmet weterany Aýtmämmet Akmämmedow belleýär.
Açylyş dabarasynda döredijilik tans we aýdym-saz toparlary öz çykyşlaryny ýerine ýetirdiler, şeýle-de hormatly myhmanlaryň çykyşlary diňlenildi.
Belläp geçsek, ýurduň günbatar sebitinde bu institutyň binasynyň we iki ýaşaýyş jaýynyň açylyş dabarasy «Türkmenistanyň nebiti we gazy — 2023» atly XXVIII halkara maslahaty we sergisi bilen bir wagtda bolup geçýär.
