Ýaponiýanyň Toyota kompaniýasy elektrik ulagy üçin gaty batareýalary köpçülikleýin öndürmek tehnologiýasyny özleşdirmäge ýakyn diýip, kompaniýanyň inženeri Financial Times gazetine habar berdi.
"Gurnamagyň tizligi barada aýtsak, ýene azajyk garaşmaly. Sany köpelderis we hiline serederis" -diýip, ol Toyota-nyň adaty litiý-ion bilen deň mukdarda gaty batareýalary öndürmäge taýýardygy baradaky soraga jogap berdi.
Hünärmenler gaty berk batareýalaryň pudagyny düýpgöter özgertmek mümkinçiliginiň bardygyny köpden bäri belläp gelýärler diýip, gazet ýazýar. Şeýle batareýalar, esasanam, zarýad beriş wagty, sygymy we ýangyn töwekgelçiligi bilen baglanyşykly birnäçe meseläni çözüp biler.
Toyota gaty batareýaly elektrikli ulaglaryň ýöreýiş ätiýaçlygynyň häzirki modellerinden iki esse köpelip, 1200 kilometre ýetmegine, zarýad beriş wagtynyň bolsa 10 minutdan köp bolmazlygyna garaşýar.
Toyota 2027-nji ýa-da 2028-nji ýyla çenli gaty berk batareýalary köpçülikleýin öndürip biler diýlip garaşylýar.
