Tesla kompaniýasy howpsuzlyk üçin kamera ulanyp, elektrikli awtoulag sürüjilerine gözegçilik edip başlar. Bu barada Electrek habar berdi.
Täze aýratynlyk kompaniýanyň ähli awtoulaglarynda – täzelerinde hem, eýýäm satylanlarynda hem peýda bolar. Ýörite ulgam sürüjiniň ýoldaky we ulagy dolandyrmakdaky ünsüne baha berer. “Sürüjiniň ukuly ýagdaýdadygyny duýduryjy” opsiýasy (Driver Drowsiness Warning) awtoulagyň eýesi irkilip başlasa ýa-da başga zatlara ünsüni sowsa - meselem, smartfona güýmense, ses signalyny açar.
Sürüjiniň ýagdaýyna baha bermek üçin Tesla sürüjiniň ýüzüne seredýän kamerany ulanar. Kompaniýanyň gollanmasynda bu aýratynlygyň sagatda 65 kilometrden geçýän tizlikde ýa-da awtopilot öçürilenden soň 10 minudyň dowamynda işjeňleşdiriljekdigi aýdylýar.
Kompaniýa ulanyjylaryň sazlamalar arkaly yzarlamak funksiýasyny öçürip biljekdigini aýdyňlaşdyrdy. Şeýle-de bolsa, her gezek täzeden hereket edip başlananda, ýene işjeň ýagdaýa geçer. Ýewropaly awtoulag söýüjiler bu täzelige ilkinji bolup baha bererler.
