Zyýaratçylar üçin Aşgabat - Köneürgenç ugry boýunça ýörite otly gatnawy ýola goýuldy

  • 19.10.2023 20:00
  • 33k+
Zyýaratçylar üçin Aşgabat - Köneürgenç ugry boýunça ýörite otly gatnawy ýola goýuldy

27-nji oktýabrda zyýaratçylar üçin ýörite otly Aşgabatdan Köneürgenç şäherine ugrar. Türkmenistanyň demirgazyk welaýatynda ýerleşýän Döwlet taryhy-medeni goraghanasyna barýan demir ýol ugry “Demirýollary” açyk görnüşli paýdarlar jemgyýeti tarapyndan ýola goýlar diýip, ORIENT agentligi habar berýär.

Gatnadyjynyň resmi web sahypasynda syýahatçylaryň zyýarat edip, şeýle hem Daşoguz sebitiniň täsin tebigy we taryhy ýadygärliklerine baryp biljekdikleri aýdylýar.
Köneürgenç “köne şäher” diýmegi aňladýar. Şäher - Türkmenistanyň demirgazygynda ýerleşýän orta asyr Horezmiň ýüregi we öňki paýtagty. Gadymy döwürlerde ol meşhur ýüpek ýolunyň ugurlarynyň birinde, Amyderýanyň gadymy hanasynyň golaýynda ýerleşýärdi. 2005-nji ýylda “Köneürgenç” Döwlet taryhy-medeni goraghanasy ÝUNESKO-nyň Bütindünýä mirasynyň sanawyna girizildi.
Otly peteklerini paýtagtymyzyň demir ýol menziliniň kassalaryndan satyn alyp bolýar.

Samarkantda ymam al-Buharynyň toplumy açyldy: indi ol 65 müň zyýaratçyny kabul edip bilýär
düýn 18:20
4.5k+

Samarkantda ymam al-Buharynyň toplumy açyldy: indi ol 65 müň zyýaratçyny kabul edip bilýär

Özbegistanyň Samarkant welaýatynda düýpli durkuny täzeleme işlerinden soň, ymam al-Buharynyň täzelenen ýadygärlik toplumy açyldy. Indi bu iri ruhy merkez öňki 12 müň adamyň deregine, her gün 65 müňe çenli zyýaratçyny kabul edip bilýär...

Hytaýda gadymy wulkanlaryň arasynda täsin syýahatçylyk merkezi guruldy
06.03.2026 20:39
5.4k+

Hytaýda gadymy wulkanlaryň arasynda täsin syýahatçylyk merkezi guruldy

Binagärlik dünýäsiniň iň täze we gyzykly taslamalarynyň biri bolan «Volcano-In» syýahatçylyk merkezi Hytaýyň Içki Mongoliýa sebitindäki Baýinkulun etrabynda gurlup gutaryldy. PLAT ASIA binagärlik edarasy tarapyndan döredilen bu desga «Sähra we wulkanlar» atly uly syýahatçylyk toplumynyň bir bölegi bolup durýar...

Fransiýa bir ýylda 102 million syýahatçy kabul edip, öz rekordyny täzeledi
24.02.2026 10:08
2k+

Fransiýa bir ýylda 102 million syýahatçy kabul edip, öz rekordyny täzeledi

Fransiýa 2025-nji ýylda dünýäniň iň köp syýahatçy kabul edýän ýurdy derejesini saklap galdy we syýahatçylaryň sany boýunça öz rekordyny täzeledi. Resmi maglumatlara görä, ýurt bir ýylda 102 million adam kabul edipdir...

Hytaýda bir kofehana kert gaýada kofe içmäge çagyrýar: bu ýeri internetde trend boldy
23.02.2026 20:02
13k+

Hytaýda bir kofehana kert gaýada kofe içmäge çagyrýar: bu ýeri internetde trend boldy

Hytaýyň Fuszýan welaýatynda, deňiz derejesinden has belentde, kert gaýanyň gyrasynda ýerleşýän kofehana Hytaý Täze ýylynyň dynç alyş günlerinde iň meşhur ýerleriň birine öwrüldi. Bu ýerde kofe içmek üçin gelýänler ýörite alpinist enjamlaryny geýip, gaýanyň ýüzündäki insiz tagtanyň üstünde oturyp, mawy deňziň görnüşinden lezzet alýarlar...