Türkmenistanyň wise-premýeri Nurmuhammet Amannepesow we HHR-iň Bilim ministri Huaý Szinpen Pekinde Üçünji halkara “Bir guşaklyk, bir ýol” forumynyň çäklerinde duşuşyk geçirdi. Bu barada ORIENT habar berýär.
Huaý Szinpen soňky ýyllarda bilim pudagynyň dürli ugurlary boýunça Türkmenistan bilen Hytaýyň arasynda ýola goýlan pragmatiki hyzmatdaşlyga ýokary baha berdi hem-de HHR-iň bu ugurda gazanan soňky üstünlikleri barada aýtdy.
Ministr iki tarapyň hem bilelikdäki tagallalar bilen köp derejeli hyzmatdaşlygyň täze mehanizmini işe girizjekdigine we şol sanda ÝUNESKO-nyň çäklerinde özara gatnaşyklaryň täze modellerini we formatlaryny döretjekdigine hem-de bilim pudagynda hytaý-türkmen gepleşiklerini täze derejä çykarjakdygyna ynam bildirdi.
Amannepesow Türkmenistanyň uniwersitet alyşmalary, ýaşlar syýasaty, ylmy we inžener zehinleri taýýarlamak ugrunda, şeýle-de sanly bilim ýaly ýörgünli ugurda Hytaý bilen amaly hyzmatdaşlygy mundan beýläk-de berkitmäge taýýardygyny aýtdy diýip, China Education Online belleýär.
