Hytaý geljekki Aý we uzak kosmos gözleg işlerine goldaw bermek üçin Szilin welaýatynyň demirgazyk-gündogaryndaky Çanbaýşan dagynyň golaýynda 40 metrlik apertura radio teleskopynyň gurluşygyna başlady. Bu barada Sinhua agentligi habar berdi.
Hytaýyň Ylymlar akademiýasynyň ýanyndaky Şanhaý astronomiýa obserwatoriýasy tarapyndan işlenip düzülen bu enjam uly, doly hereketli, ýokary takyklykdaky, köp maksatly radio teleskopdyr diýip, Sinhua belleýär. Alymlar Çanbaýşan dag sebitini açyk asmany we gurak howasy sebäpli gözegçilikleri alyp barmaga amatly ýer hasaplaýarlar.
Gurluşygy tamamlanansoň täze teleskop ýurduň beýleki bäş teleskopy we Şanhaýdaky bir maglumat merkezi bilen birleşdiriler, bu bolsa Hytaýyň gözegçilik mümkinçiliklerini ýokarlandyrar we uzak kosmos gözleglerine has gowy hyzmat eder. Şeýle hem, ylym merkezi aşa uly gara deşikleri we galaktikanyň dinamikasyny öwrenmek ýaly dürli ugurlarda radio astronomiýa gözlegleriniň örüsini giňelder we ýardam eder.
Täze teleskopyň we onuň stansiýasynyň gurluşygy 2024-nji ýylyň ahyryna çenli tamamlanar.
