Garaşsyz Döwletleriň Arkalaşygynyň ýurtlarynyň prezidentleri Gyrgyzystanyň paýtagty Bişkekde geçirilýän sammite ýygnanyşdylar. Sammit “Ala-Arça” döwlet rezidensiýasynda geçýär. GDA-nyň döwlet baştutanlarynyň Geňeşiniň mejlisi dar we giňişleýin düzümde geçirilýär diýip, sputnik.kz habar berýär.
GDA-nyň Ýerine ýetiriji komitetiniň maglumatlaryna görä, gün tertibinde sebitdäki häzirki ýagdaýy ara alyp maslahatlaşmak, resminamalar toplumyna gol çekmek ýaly meseleler bar.
Gyrgyzystanyň prezidenti Sadyr Žaparowyň baştutanlygynda geçirilýän mejlise Russiýanyň, Azerbaýjanyň, Belarusyň, Gazagystanyň, Täjigistanyň, Türkmenistanyň we Özbegistanyň prezidentleri hem gatnaşýar.
Dar düzümde duşuşyk ýapyk görnüşde geçirilýär. Soňra giňişleýin düzümde mejlis başlanar. Onuň netijesi boýunça resminamalara gol çekiler, GDA-nyň döwlet baştutanlary HBS üçin beýanlar bilen çykyş ederler.
Habar berlişi ýaly, 2023-nji ýylda Gyrgyzystan GDA-da başlyklyk edýär.
