Eýran kosmosy özleşdirmäge tarap işjeň hereket edýär. Ýurduň maglumat-kommunikasiýa tehnologiýalary ministri Isa Zarepuryň aýtmagyna görä, Eýran ýakyn bäş ýylda kosmosa adam ibermekçi bolýar. Bu barada ferra.ru habar berýär.
Bu missiýany durmuşa geçirmek üçin esasy wezipe adama kosmos giňişliginde howpsuz bolmaga mümkinçilik berjek ýörite biokapsulanyň döredilmegi bolar. Onuň üstünde eýýäm işler alnyp barylýar we ilkinji synaglar ýakyn aýlarda meýilleşdirilýär.
Şeýle islegler ýurduň kosmos pudagyndaky hakyky hereketleri bilen hem tassyklanýar. Ýagny, ýaňy-ýakynda Eýran Ýer orbitasyna täze “Nur-3” harby hemrasyny uçurdy. Bu enjam Ýerden 450 km belentlikdäki orbita çykaryldy.
Bu ädimleriň ählisi ýurduň kosmos pudagynda esasy oýunçylaryň biri bolmak baradaky çynlakaý niýetini görkezýär.
