Eýran golaýda orbita uçuran “Haýýam” emeli hemrasy ýaly ýene-de üç hemrany döretmegi meýilleşdirýär. Eýran alymlarynyň gatnaşmagynda täze hemralary öndürmek ýurduň Hökümetiniň gün tertibinde durýar. Bu barada Eýranyň resmi wekili Ali Bahadori Jahrominiň sözlerine salgylanyp, IRNA agentligi habar berýär.
“Haýýam” hemrasy üstünlikli orbita çykdy. Eýranyň innowasion kompaniýalary dürli ulgamlarda bu hemranyň suratyny we maglumatlaryny ulanyp bilerler. “Haýýamyň” nusgasynda eýran alymlarynyň gatnaşmagynda ýene-de üç hemrany döretmek Hökümetiň gün tertibinde durýar” diýip, Bahadori Jahromi öz Twitter sahypasynda ýazdy.
Ýeri gelende bellesek, 9-njy awgustda Eýranyň “Haýýam” emeli hemrasy “Baýkonur” kosmodromyndan maksatlaýyn orbita üstünlikli çykaryldy.
