43 ýaşly italiýaly kaskadýor Marko Dawide Jioni ýük ulagyny iki tekerde uly bolmadyk aralykdan geçirmek boýunça täze dünýä rekordyny goýdy. Bu barada ixbt.com habar berýär.
Marko ýük ulagyny başarnykly dolandyryp, 380 sm giňlikdäki aralykdan geçdi. Bu rekorda üstünlikli ýetmek üçin ýük awtomobili gapdal germewlere degmezden aralykdan arassa geçmelidi. Şeýle-de, azyndan 10 m sürüp, üstünlikli saklanmalydy.
Markonyň ilkinji iki synanyşygy şowsuz boldy, ol çepden we sagdan germewlere degdi. Üçünji gezekde ol muny başardy. Marko ilkinji iki synanyşykda “örän güýçli başlandygyny”, şol sebäpli germewlere degendigini boýun aldy.
