Hindistanyň Güni öwrenmek üçin Aditya-L1 obserwatoriýasy Ýer orbitasyny terk edip, Gün-Ýer ulgamynyň Lagranža L1 nokadyndaky orbita tarap uçuş traýektoriýasyna çykdy. Bu barada Hindistanyň Kosmos gözlegleri guramasy habar berdi diýip, interfax.ru belleýär.
“Enjamy Lagranža L1 nokadyna tarap uçuş traýektoriýasyna çykarmak boýunça hereket üstünlikli ýerine ýetirildi. Indi kosmos enjamy Gün-Ýer ulgamynyň L1 nokadyna eltjek traýektoriýa boýunça hereket edýär” – diýip, kosmos edarasy X sosial ulgamynda habar berdi.
Guramanyň maglumatlaryna görä, obserwatoriýa L1 nokadynyň töweregindäki orbita, takmynan, 110 günden çykar.
Aditya-L1 obserwatoriýasyny Ýerden 1,5 mln km uzaklykda ýerleşýän Gün-Ýer ulgamynyň Lagranža L1 nokadynyň töweregindäki gala orbitasyna çykarmak meýilleşdirilýär. Dürli peýdaly ýük bilen üpjün edilen enjam Günüň fotosferasyny we hromosferasyny, şeýle-de onuň ýokarky gatlagyny – Gün aýtymyny öwrener.
